Mateyo 20:25 - Baibo Busansulushi Bwa Libuku Ili

²⁵ Mpomunyaawo Jesu wakabeeta bashikwiiya boonse akubalwiita ayi, “Mwebo mulishi ayi baami ba baswamashi bakunsengwe balabonesha bwaami pali mbabo, abalo beendeleshi babo mbweeke ubo.

Mateyo 20:25 Marejeleo ya Msalaba

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Mateyo 20:24

Ono bashikwiiya bamwi likumi, ndibakanyumfwa makani aya, bakakalalila bashikwiiya bamukowa bobilo balya.

Maako 10:42

Mpomunyaawo Jesu wakabeeta bashikwiiya boonse akubalwiita ayi, “Mwebo mulishi kwaamba ayi abo babandwa ayi baami ba baswamashi bakunsengwe, balabonesha bwaami pali mbabo. Abalo beendeleshi babo mbweeke ubo.

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.