Mateyo 2:6 - Baibo Busansulushi Bwa Libuku Ili

⁶ ‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Mateyo 2:6 Marejeleo ya Msalaba

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

1 Makani 2:51

Saluma uyo wakayaka ndabala ya Betileemu alimwi aAlefi uyo wakayaka ndabala ya Beti Gada.

1 Makani 5:2

Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

Esila 2:21

Bantu abo bakalinga kucite bamashali bakulukulu abo bakalinga kwikala mumandabala aya, abalo bakapiluka. Bene Betileemu 123

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Shakubelenga 24:19

Mwaami ulaakuswa mubamulunyungu lwakwe Jakobo akunyonyoola baabo boonse bakalinga bapuluka.”

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Joni 21:16

Jesu wakeepusha Pita lwabili ayi, “Simoni omwanaakwe Joni, sa ulinsuni?” Alakwe wakakumbula ayi, “Ee Nkambo, mulishi kwaamba ayi ndimusuni.” Lyalo Jesu wakamwaambila ayi, “Kweembela mbelele shangu.”

Joni 7:42

Sa Malembo akwe Lesa taambi ayi, ‘Usalitwe wakwe Lesa ulaakuswa mulunyungu lwakwe Defedi alimwi ulaakushalilwa mundabala ya Betileemu umo mwakalinga kwikala mwaami Defedi?’ ”

Bene Efeso 1:22

Lesa wakabika shintu shoonse ayi shinokweendeleshekwa aKlistu akumupa Bwaami pashintu shoonse sha coonde.

Bene Kolose 1:18

Lakwe ngomutwi wa mubili wakwe, nkokwaamba ayi coonde. Lakwe ngomatalikilo a coonde alimwi ngomutaanshi kubushikwa kuswa kubafu, kwaamba ayi abe mutaanshi pashintu shoonse.

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 2:27

Ulaakuyeendelesha amusako wa ceela alimwi akwiinyonyoola anga ninongo yapwaika. Ndaakumupa nkusu shakweendelesha bweenka mbuli sheesho nshendakatambula kuswa kuli baTa.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”