Mateyo 19:6 - Baibo Busansulushi Bwa Libuku Ili

⁶ Nkokwaamba ayi tababete bobilo ono, sombi baba mubili womwi. Aboobo bantu abo Lesa mbwaakabika pantu pomwi, muntu ateeleshi kubapansaanya.”

Mateyo 19:6 Marejeleo ya Msalaba

Maako 10:9

Aboobo bantu abo Lesa mbwaabika pantu pomwi, muntu ateeleshi kubapansaanya.”

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Bene Loma 7:2

Atwaambe bobulya, mwanakashi weebetwe uleendeleshekwa amulawo wa cikwati kulilabo ibaye kaatana kufwa. Sombi na wafwa, mwanakashi ulaangululwa kumulawo uyo.

Bene Efeso 5:28

Nkokwaamba ayi basankwa balyeelete kusuna bamakaabo bweenka mbuli mbobasuni mibili yabo. Uyo usuni mukaakwe, ulilisuni mwiine.

Malaki 2:14

Lyalo muleepusha ayi, “Ino nceebonshi?” Mwaami Lesa taitambuli mukwiinga ngokamboni pali ndiwe alimwi amukaako wakubwanike, ceebo tookwe kucita kweelana ambowakamulasha. Wakacita boobo nacibi kwaamba ayi wakalinga mukaako kweelana acipangano ca cikwati.

Tushimpi 2:17

Mwanakashi uyo wakashiya ibaye wa kubumoye bwakwe akuluba cipangano ncaakapanga pameenso akwe Lesa.

Malaki 2:16

Mwaami Lesa wa bene Isilaeli waamba ayi, “Nebo kulekana ndikupatite abuumbi! Cilancima muntu umwi na wacita cintu cibiibi mbuli ceeco kumukaakwe. Anu amulilaame mubuumi bwanu kwaamba ayi kukabule muntu nabi womwi eshi akabule kucita kweelana ambwaakalasha mukaakwe.”

Mateyo 19:5

alimwi ayi, ‘Paceebo ceeco, musankwa ulaakushiya baishi abanyina akupankana amukaakwe. Lyalo bantu bobilo aba balaakuba mubili womwi.’

Mateyo 19:7

Mpeeke baFalisi bakamwiipusha ayi, “Ino nceebonshi Mose ncaakaambila ayi musankwa ulyeelete kulembela mukaakwe nkalata yakumuleka, lyalo akumutanda?”