Mateyo 19:5 - Baibo Busansulushi Bwa Libuku Ili

⁵ alimwi ayi, ‘Paceebo ceeco, musankwa ulaakushiya baishi abanyina akupankana amukaakwe. Lyalo bantu bobilo aba balaakuba mubili womwi.’

Mateyo 19:5 Marejeleo ya Msalaba

Matalikilo 34:3

Mpeeke wakamukonda abuumbi mwanakashi uyo, aboobo wakeelesha kumunyengelela.

2 Samwelo 1:26

“Jonasani mukwesu wancisa abuumbi kumoyo, mukwiinga ndalinga kukusuni abuumbi. Lusuno lwako kuli ndime lwalinga kukondelesha abuumbi, lwalinga kukondelesha kwiinda aloolo lwa balutundu.

1 Baami 11:2

Wakabeeba nakubi kwaamba ayi Mwaami Lesa wakakasha bene Isilaeli kweebana abaswamashi kuloondesha kwaamba ayi inga balengesha bene Isilaeli kulambila balesa bamwi.

Kulumbaisha 45:10

Nobanabwiinga ba kubwalo, amukutike alimwi munyumfwishishe. Bulya ono amulube bene mishaanu pantu pomwi abeshikamukowa banu.

Kulumbaisha 63:8

Ceebo ndakakatila kuli ndimwe, lyaansa lyanu lya nkusu lilandama akukusha kulisukama pali ndime.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

Mateyo 19:6

Nkokwaamba ayi tababete bobilo ono, sombi baba mubili womwi. Aboobo bantu abo Lesa mbwaakabika pantu pomwi, muntu ateeleshi kubapansaanya.”

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

1 Bene Kolinto 6:16

Nabi mpashi tamwishi kwaamba ayi muntu ukumankanya mubili wakwe amufuule ulaba mubili womwi anguwe? Malembo akwe Lesa alaamba cakutashisa ayi, “Abo bobilo balaba mubili womwi.”

1 Bene Kolinto 7:2

Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

1 Bene Kolinto 7:4

Mubili wa mwanakashi teshi waakwe eenka, sombi ngwa ibaye alakwe. Mbweeke ubo alakwe musankwa teshi ngomwine mubili eenka, sombi amukaakwe.

Bene Efeso 5:31

Kweelana ambokulembetwe muMalembo akwe Lesa ayi, “Aboobo musankwa ulaakushiya ŋanda ya baishi abanyina akuya mukupaankana amukaakwe, lyalo bobilo aba balaakuba mubili womwi.”

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 11:22

“Amukonkele cakushomeka milawo yoonse njendamupa. Amusune Mwaami Lesa, Lesa wanu, amucite shoonse nshaamba, alimwi kamushomeka kuli nguwe.

Dutolonomi 4:4

Sombi mwebo nobamwi nomwakalinga kushomeka kuMwaami Lesa, Lesa wanu mucili boomi asunu.

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

1 Samwelo 25:43

Defedi wakalinga kweebete kale Ayinoamu wa kuJesiliilu. Lyalo boonse bobilo bakaba bamakaakwe.