Mateyo 19:28 - Baibo Busansulushi Bwa Libuku Ili

²⁸ Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 19:28 Marejeleo ya Msalaba

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 7:4

Mpomunyaawo ndakalwiitwa ayi bantu abo bakalinga kucite twishibilo twakwe Lesa pankumo, bakalinga 144,000. Bakaswa kumikowa ya bene Isilaeli ili likumi ayobilo.

2 Pita 3:13

Sombi swebo tutoolindila liculu lipya alimwi acishi ca panshi cipya, kweelana aLesa mbwaakashomesha, umo mweshi mukanoolibo bululami.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Mateyo 20:21

Lyalo Jesu wakamwiipusha ayi, “Utooyandanshi?” Alakwe wakakumbula ayi, “Amushomeshe ayi bana bangu basankwa bobilo aba, bakekale umwi kululyo lwanu, aumwi kucipiko muBweene bwanu.”

Ciyubululo 22:2

Akalinga kukunkila pakati ka nshila ya mundabala inene. Muloombe lwa mulonga uyu moonse mobilo, mwakalinga cisamu cipa buumi. Cisamu ici cilacata shisepo mankanda ali likumi aobilo mumwaaka, nkokwaamba ayi linkanda lyomwi mumweenshi. Matewu a ncico aalo ngakushilikisha mishobo yoonse ya bantu.

Esila 6:17

Pakwiibenga kuli Lesa bakabenga bacende mwaanda, mbelele shisankwa myaanda yobilo alimwi abana ba mbelele basankwa myaanda yone. Bakabenga ampongo likumi ashobilo ayi ngumulambu wakulekelelwa shibiibi nkokwaamba ayi mpongo yomwi ayomwi kumushobo womwi awomwi wa bene Isilaeli.

1 Baami 18:31

Wakabwesa mabwe ali likumi aobilo. Lyomwi alyomwi kaliimikanina mukowa womwi wa bamulunyungu lwakwe Jakobo, musankwa uyo Lesa ngwaakapa liina lya Isilaeli.

Joshuwa 3:12

Ono amusale basankwa bali likumi abobilo, nkokwaamba ayi kumikowa yoonse ya bene Isilaeli kuswe muntu womwi womwi.

Bene Lefi 24:5

“Mubwese makilogilamu likumi aobilo a fulaulo akupanga shimaande shili likumi ashobilo.

Kulonga 28:21

Palibwe lyomwi alyomwi lya mabwe ayo ali likumi aobilo, palyeelete kulembwa liina lyomwi lya mwanaakwe Jakobo musankwa, kwaamba ayi eemikanine mikowa ya bene Isilaeli.

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.

Kulonga 15:27

Kuswawaawo bakashika kuElimu, uko kwakalinga tuntupu tuli likumi atobilo alimwi atupukupuku tuli makumi osanwe alimwi aobilo. Mpeeke bakayaka misumba pafwaafwi amaanshi.

Ciyubululo 12:1

Mpomunyaawo kwakaboneka cintu cinene cikankamika kwiculu. Kwakalinga mwanakashi wakalinga kufwete lisuba. Panshi lya myeendo yakwe pakalinga mweenshi. Apalo pamutwi wakwe pakalinga mushini wa nyenyeenshi likumi ashobilo.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Mateyo 19:27

Lyalo Pita wakakumbula ayi, “Amubone, swebo twakashiya shoonse akumukonkela. Ino swebo tulaakupekwanshi?”

Maako 10:37

Abalo bakakumbula ayi, “Mwaakwikala pacuuna canu cabulemu, tulisuni kwaamba ayi mukatusuminishe kwikala umwi kululyo lwanu, alakwe umwi kucipiko.”

Ciyubululo 11:16

Mpomunyaawo bamaloba bali makumi obilo abone, abo bekala pashuuna shabo sha bwaami kunembo lyakwe Lesa, bakafukama cakishisha shiwa panshi akulambila Lesa.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

2 Makani 9:19

Kwakalinga nkalamu shakubumba shili likumi ashobilo, nkokwaamba ayi kweela citantilo koonse koonse kwakalinga nkalamu yomwi yomwi. Taaku mwaami umwi wakalinga kucitewo cuuna ca bwaami ca mushobo uyo.