Mateyo 19:26 - Baibo Busansulushi Bwa Libuku Ili

²⁶ Jesu wakabalanga akubaambila ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Mateyo 19:26 Marejeleo ya Msalaba

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

1 Baami 17:16

Fulaulo tookwe kumanaawo mumbale aalo mafuta taakwe kumanaawo munkomeshi kweelana abwakashomesha Mwaami Lesa kwiinda muli Elija.

Jobo 42:2

“NoBaami baLesa, ndishi kwaamba ayi mwebo mulicite nkusu shoonse alimwi ayi taakuuwo muyeeyo wanu weenga wabula kuswitilila.

Kulumbaisha 3:8

Ncakwiila kukoma kulaswabo kuMwaami Lesa, ono aape coolwe bantu bakwe.

Kulumbaisha 62:11

NobaLesa mwakaambabo linkanda lyomwi, sombi nebo ndabwesaawo shintu shobilo. Comwi ncakwaamba ayi nobaLesa muli beshinkusu.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Jelemiya 32:27

“Nebo ndime Mwaami Lesa, Lesa wa bantu boonse. Taaku cintu cinjumina kucicita.

Sekaliya 8:6

Mwaami Lesa Shinkusu shoonse waamba ayi, “Ici inga caboneka kuyuma kubaabo beshibakacaaleewo, sombi tacikoonshi kunjumina anebo. Nebo neMwaami Lesa Shinkusu shoonse ndaamba.”

Shakubelenga 11:23

Alakwe Mwaami Lesa wakeepusha ayi, “Sa nkusu shangu nebo shileela? Onoonobo utoobona na nceendaamba citoocitika nabi sobwe!”

Mateyo 19:25

Bashikwiiya bakwe ndibakanyumfwa makani aya, bakakankamana abuumbi, mpeeke bakeepusha ayi, “Nkokwaamba ayi ngani eshi akapulushikwe?”

Mateyo 19:27

Lyalo Pita wakakumbula ayi, “Amubone, swebo twakashiya shoonse akumukonkela. Ino swebo tulaakupekwanshi?”

Maako 10:27

Jesu wakabalanga akubalwiita ayi, “Kubantu ici inga tacicitikiiwo, sombi kuli Lesa inga cacitika mukwiinga shoonse shintu shilakonsheka kuli nguwe.”

Luka 1:37

Mukwiinga kuli Lesa taaku ciyumu.”

Luka 18:27

Jesu wakakumbula ayi, “Ico citakonsheki kubantu, kuli Lesa kwalo cilakonsheka.”

Bene Ebulu 6:6

Lyalo balo bakacileka kushoma! Inga tatubasanduliiwo kuswa kushibiibi shabo alimwi mukwiinga mukucileka kushoma, cilibo anga batoopopa Mwanaakwe Lesa pamucilingano alimwi akumulensha nsoni pameenso a bantu.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”