Mateyo 19:23 - Baibo Busansulushi Bwa Libuku Ili

²³ Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.

Mateyo 19:23 Marejeleo ya Msalaba

Tushimpi 11:28

Uyo woonse ucinka manungo mububile bwakwe ulawa, sombi baluleme balaswitilila anga nkusonsa kwa matewu acilimo.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 19:22

Musankwa uyo ndyaakanyumfwa boobo, wakaswaawo kaaungumene ceebo wakalinga mubile abuumbi.

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Mateyo 5:20

Aboobo ntoomwaambila ayi sombibo na bululami bwanu buleenda boobo bwa bafundishi ba Milawo abaFalisi, teshi mukenjile muBweene bwa kwiculu.

Maako 10:23

Mpomunyaawo Jesu wakacebuka, walanga bashikwiiya bakwe bakalinga kumushingulukite akubaambila ayi, “Nciyumu abuumbi kubantu babile kwinjila muBweene bwakwe Lesa!”

Luka 18:24

Jesu ndyaakabona ayi woongumana wakaamba ayi, “Nciyumu abuumbi kubantu babile kwinjila muBweene bwakwe Lesa!

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

1 Bene Kolinto 1:26

Nobamakwesu amuyeeye mbomwakalinga, Lesa ndyaakamwiita. Mbaniini pakati kanu abo bakalinga kuboneka basongo kubantu nabi bankusu, nabi bakashalwa kubantu balemekwa.

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?