Mateyo 19:22 - Baibo Busansulushi Bwa Libuku Ili

²² Musankwa uyo ndyaakanyumfwa boobo, wakaswaawo kaaungumene ceebo wakalinga mubile abuumbi.

Mateyo 19:22 Marejeleo ya Msalaba

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 14:9

Mpomunyaawo mwaami Elodi wakacatwa buumba, sombi ceebo cakulumbila nkwakalumbila pameenso abaabo boonse bakalingaawo, wakaambila bantu ayi mulindu uyu apekwe ncaasenga.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Mateyo 19:23

Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Maako 10:22

Ndyaakanyumfwa maswi aya, musankwa uyu wakoongumana alimwi wakaswaawo abuumba mukwiinga wakalinga mubile.

Maako 6:26

Mpeeke mwaami wakacatwa buumba. Nakubi boobo ceebo cakulumbila nkwaakalumbila pameenso abaabo boonse bakalingaawo, cakamwaalila kukaka.

Luka 18:23

Sombi musankwa uyo ndyaakanyumfwa boobo, wakoongumana mukwiinga wakalinga mubile abuumbi.

Joni 16:20

Ntoomulwiita calushinisho ayi mwebo mulaakulila akuungumana, sombi bamucishi balaakusangalala. Mulaakuungumana, sombi kuungumana kwanu kulaakuba kusangalala.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.