Mateyo 18:4 - Baibo Busansulushi Bwa Libuku Ili

⁴ Aboobo uyo woonse ulibombya mbuli mwanike muniini uyu, ngomunene muBweene bwa kwiculu.

Mateyo 18:4 Marejeleo ya Msalaba

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Mateyo 18:1

Paciindi ceenka ico bashikwiiya bakaya kuli Jesu mukumwiipusha ayi, “Ino ngani munene muBweene bwa kwiculu?”

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 18:5

Uyo woonse utambula mwanike wa mbuli wooyu muliina lyangu, ulatambula ndime.

Maako 10:43

Sombi tabwishi mbocibete ubo pali ndimwe. Uyo woonse usuni kuba munene pali ndimwe, ulyeelete kuba musebenshi wanu.

Maako 9:34

Sombi balo bakoomunabo tontolo, mukwiinga munshila bakalinga kupikishanya makani akwishiba munene pakati kabo.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Jemusi 4:10

Amuliceeshe pameenso a Mwaami Lesa, lakwe ulaakumusumpula.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”