Mateyo 18:27 - Baibo Busansulushi Bwa Libuku Ili

²⁷ Lyalo mwaami wakwe wakamunyumfwila nkumbu, mpeeke wakamulekelela nkongole yoonse akumwaambila ayi anooya.

Mateyo 18:27 Marejeleo ya Msalaba

Kulumbaisha 145:8

Mwaami Lesa ngushiluse alimwi ngushinkumbu. Taafwambaani kukalala alimwi ulicite lusuno lutamaani.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Mateyo 18:28

“Sombi musebenshi uyo ndyaakaswa pansengwe, wakakumanya musebenshinyina ngwaakakweletesha maali aniinibo. Wakamucata, wamushina panshingo akumwaambila ayi, ‘Lipila maali ngowakakweleta!’

Mateyo 18:32

Mpomunyaawo mwaami wakwe wakeeta musebenshi uyo akumwaambila ayi, ‘Webo omusebenshi mubiibi! Nebo ndakakulekelela nkongole yoonse ilya ceebo wakansenga.

Luka 7:42

Ndibakaalilwa kuboosha, boonse wakabalekelela. Ono pabantu bobilo balya, nguli eshi akasune bunene shikukweletesha?”

Luka 7:43

Simoni wakakumbula ayi, “Nebo ntooyeeya ayi ngooyo wakakongola maali aanji.” Jesu wakamwaambila ayi, “Wakumbula kabotu.”