Mateyo 18:25 - Baibo Busansulushi Bwa Libuku Ili

²⁵ Ceebo taakalinga kucikonsha kuboosha nkongole, mwaami wakwe wakaamba ayi, musebenshi uyu ulyeelete kuulishikwa abakaakwe abana bakwe alimwi ashintu shoonse nshaacite kwaamba ayi nkongole iboole.

Mateyo 18:25 Marejeleo ya Msalaba

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Neyemiya 5:5

Swebo abaJuda bamwi boonse tuli bulowa bomwi. Bana besu balyeelenebo abana babo, nakubi boobo tuloolisha busha bana besu. Ncakwiila bana besu bamwi banakashi bakoolwa kale busha. Sombi tatucite lucafwo mukwiinga myuunda yesu yoonse ili mumaansa a bantu bamwi.”

Neyemiya 5:8

Lyalo ndakabaambila ayi, “Swebo twakeelesha kulubula bamakwabesu baJuda abo bakoolishikwa busha kubaswamashi bakunsengwe. Ono mwebo mutokakatisha baJudanyinaanu kulyuulisha kuli ndimwe!” Bamatanjilili bakoomunabo tontolo mukwiinga bakabula maswi akukumbula.

Kulonga 21:2

Na woola mwine Ebulu musha, ulyeelete kukusebensela myaaka yosanwe awomwi. Mumwaaka wasanu ayobilo, ulyeelete kwaangululwa mubusha cakutalipila nabi cintu comwi.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Bene Lefi 25:39

“Ono na mwine Isilaelinyoko ngobambenaakwe waba mukandu cakwaamba ayi walyuulisha kuli ndiwe ayi abe musha, utakamusebenseshi mushila ya busha.

Mateyo 18:24

Ndyaakatalikabo kubasesa, umwi uyo wakakweleta maali aanji bakamutola kumwaami.

Luka 7:42

Ndibakaalilwa kuboosha, boonse wakabalekelela. Ono pabantu bobilo balya, nguli eshi akasune bunene shikukweletesha?”