Mateyo 18:14 - Baibo Busansulushi Bwa Libuku Ili

¹⁴ Mbweeke ubo Ishiwanu uli kwiculu taasuni kwaamba ayi, womwi wa baaba baana baniini asoweke.

Mateyo 18:14 Marejeleo ya Msalaba

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 18:13

Na weecana, ntoomulwiita calushinisho ayi ulakondwa abuumbi pambelele yomwi ilya, kwiinda sheesho shili makumi osanwe aone alimwi ashosanwe ashone shitakwe kusoweka.

Mateyo 18:15

“Na mukwanu wakubishisha, koya ukamulwiite cilubo cakwe. Na wakunyumfwila nkokwaamba ayi wamuboosha kumubili.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Mateyo 6:32

Mukwiinga ishi nsheshintu bakunsengwe nshebayandoola, sombi Ishiwanu wa kwiculu ulishi kwaamba ayi shoonse ishi mulishisuni.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Joni 17:12

Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Joni 21:15

Ndibakamana kulya, Jesu wakeepusha Pita ayi, “Simoni omwanaakwe Joni, sa ulinsuni kwiinda mbobansuni boonse aba?” Pita wakakumbula ayi, “Ee Nkambo, mulishi kwaamba ayi ndimusuni.” Jesu wakamwaambila ayi, “Kosanina mbelele shangu shaana.”

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Bene Ebulu 12:13

Amutolelele kweenda munshila shiluleme kwaamba ayi mweendo wanu ulema utashonkomoki, sombi ushilikwe.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.