Mateyo 18:10 - Baibo Busansulushi Bwa Libuku Ili

¹⁰ “Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:10 Marejeleo ya Msalaba

2 Samwelo 14:28

Abusalomu wakekala myaaka yobilo muJelusalemu kutabonanaawo amwaami Defedi.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Esita 1:14

Bantu mbwaakalinga kwiita pamakani amushobo wooyu nguKashena, Sheta, Adimata, Tashishi, Melesi, Masena alimwi aMemukani. Abo bakalinga mbobacinenenene bali bosanwe abobilo ba kuPesha aMediya alimwi abo bakalinga kucite shuuna shiindaawo mubwaami bwakwe.

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Kulumbaisha 91:11

Lyalo Lesa ulaakutuma baanjelo bakwe ayi bakakulaame, ncakwiila balaakunookutabilila koonse nkweshi ukaye.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 12:20

Teshi akatyole litete lisendeme kale, nabi kushimya lilampi litooyanda kushimika. Ulaakufwita nkumbu bantu kushikila bululami bwakwe bukakome.

Mateyo 18:14

Mbweeke ubo Ishiwanu uli kwiculu taasuni kwaamba ayi, womwi wa baaba baana baniini asoweke.

Mateyo 18:6

“Uyo woonse weenga walengesha womwi wa baaba banike baniini bashoma muli ndime ayi abishe, inga cabota kumwaangilila libwe linene lyakupelelaawo munshingo akumuwaala mulweenge lulaamfu.

Mateyo 2:13

Ono basongo balya ndibakaswaako, munjelo wa Mwaami Lesa wakaboneka kuli Josefu muciloto akumwaambila ayi, “Nyamuka utole mwaana abanyina muye kuIjipiti. Mukekaale kweenka uko kushikila nkamwaambile ayi musweeko, mukwiinga Elodi utooyanda kucaya mwaana.”

Mateyo 2:19

Ono Elodi ndyaakafwa, munjelo wa Mwaami Lesa wakaboneka kuli Josefu kaacili kuIjipiti muciloto,

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 16:22

“Musankwa mupenshi uyo wakafwa, muuya wakwe baanjelo bakautola kwiculu kulubasu lwakwe Abulaamu. Muntu mubile uyo alakwe wakafwa akufukilwa.

Milimo ya Batumwi 10:3

Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”

Milimo ya Batumwi 12:15

Sombi balo bakamukumbula ayi, “Wacinkuka webo!” Ndyaakatolelela kwaamba bweenka ubo, bakaamba ayi, “Anu ngumunjelo wakwe.”

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Milimo ya Batumwi 5:19

Sombi mashiku, munjelo wa Mwaami Lesa wakesa mukucalula milyango ya muntolongo akubakusha. Wakabaambila ayi,

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

Bene Loma 14:21

Ono ncibotu kucileka kulya nyama, kunwa shibilite nabi kucita cintu cimwi cili coonse ceenga calengesha muKlistunyinaanu kubisha.

Bene Loma 15:1

Swebo netushoma cancinencine tulyeelete kucafwa batana kushoma bunene ayi batolelele mulushomo lwabo. Tatweelete kucitabo shintu shitukondelesha.

1 Bene Kolinto 11:22

Sa tamucite maandaanu uko nkomweelete kulita cakukuta akunwa? Nabi na camubotela kusebaanya coonde cakwe Lesa akulensha nsoni bakandu? Ono sa mutooyeeya kwaamba ayi inga ndamulumbaisha pacikani ici? Nshikoonshi napaceyuubo.

1 Bene Kolinto 16:11

Aboobo kutabi muntu umusuula, sombi mulyeelete kumucafwa kwaamba ayi atolelele mulweendo lwakwe muluumuno akuboola kuli ndime ceebo nebo ntoomulangila pantu pomwi abashominyineesu bamwi.

1 Bene Kolinto 9:22

Pakati ka bantu bacite lushomo luniini ndakekala mbweeke mbuli mbabo kwaamba ayi mbalete kuli Lesa. Aboobo kubantu boonse ndakekala mbweeke mbuli mbabo kwaamba ayi na kacikonsheka bamwi Lesa abapulushe.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 10:10

Ceebo umwi inga waamba ayi, “Makalata ngaaleemba Paulo alicite bulemu alimwi ankusu. Sombi ndyaaba aswebo ulaboneka anga ngumubombu alimwi kwaamba kwakwe nkuubu.”

Bene Galatiya 6:1

Nobamakwesu, ono na umwi mulikoto lyanu wacita cibiibi cimwi cili coonse, mwebo nomutanjililwa aMushimu Usalashi mulyeelete kumululamika. Mulyeelete kucita boobo cakulibombya, sombi amwebo mucenjele kwaamba ayi mutawiti mumasunko.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Ciyubululo 8:2

Lyalo ndakabona baanjelo bosanwe abobilo beemikana kunembo lyakwe Lesa, kabapekwa mapeenga ali osanwe aobilo.