Mateyo 16:24 - Baibo Busansulushi Bwa Libuku Ili

²⁴ Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 16:24 Marejeleo ya Msalaba

Mateyo 10:38

Uyo woonse utanyamuni mapensho akwe anga ngumucilingano akunkonkela, taaelete kuba waangu.

Mateyo 27:32

Ndibakaswa bakakumanya musankwa wiitwa ayi Simoni wa kuSailini. Mpomunyaawo bashilumamba bakamukakatisha kunyamuna mucilingano wakwe Jesu.

Maako 10:21

Lyalo Jesu wakamulangilishisha calusuno akumwaambila ayi, “Kwacaalabo cintu comwi. Koya ukoolishe shintu shoonse nshoocite. Maali ngweshi ukacaneemo, ukaabile bakandu, lyalo ulaakucana bubile kwiculu. Na umanishe kucita boobo, ndyeshi use unkonkele.”

Maako 15:21

Ndibakalinga kuya munshila, bashilumamba bakakumanya musankwa umwi wiitwa ayi Simoni wa kuSailini kaaswa mumishi. Mpeeke bashilumamba bakamukakatisha ayi anyamune mucilingano wakwe Jesu. (Simoni wakalinga ngoishi Alekisanda aLufasi.)

Maako 8:34

Mpomunyaawo wakeeta bantu baanji, pantu pomwi abashikwiiya bakwe akubalwiita ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, akunyamuna mucilingano wakwe. Lyalo ndyeenga wankonkela.

Luka 14:27

Uyo woonse utanyamuni mucilingano wakwe akunkonkela, inga taabi shikwiiya wangu.

Luka 23:26

Ndibakalinga kutola Jesu mukumupopa, bakakumanya Simoni wa kuSailini kaaswa mumishi. Bakamucata akumunyamwisha mucilingano ayi anooyawo mwisule lyakwe Jesu.

Joni 19:17

Wakaswa mundabala ilya kaayumwite mucilingano wakwe kuya kumusena wiitwa ayi, “Cifuwa ca mutwi.” (MuciEbulu balaamba ayi, “Gologota.”)

Joni 21:19

(Mukwaamba boobo Jesu wakalinga kutondesha lufu lweshi lukafwe Pita akuletela bulemu Lesa.) Lyalo wakaambila Pita ayi, “Nkonkele!”

Joni 21:22

Jesu wakakumbula ayi, “Ino na kaansuni kwaamba ayi uyu anoolibo muumi kushikila nkese, sa ngumulandu wako uyo? Nkonkelebo!”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

1 Bene Tesalonika 3:3

kwaamba ayi kubule ushi aboole pesule ceebo ca mapensho ayo ali pakati kanu. Mwebo nobeene mulishi kwaamba ayi mapensho a mushobo uyu alasuminishikwa kweelana akuyanda kwakwe Lesa.

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.