Mateyo 16:23 - Baibo Busansulushi Bwa Libuku Ili

²³ Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Mateyo 16:23 Marejeleo ya Msalaba

Matalikilo 3:17

Lyalo wakaambila Adamu ayi, “Wakakutika mukaako akulya cisepo ca cisamu ncendakamukasha. Paceebo ceeci bulongo butooshinganishikwa. Aboobo mubuumi bwako boonse ulaakunoosebensa cankusu, kwaamba ayi bukukushile shakulya nshooelete.

2 Samwelo 19:22

Sombi Defedi wakakumbula ayi, “Mwebo nobana bakwe Seluiya tamubeteko lubasu kumakani aya. Ndime ndaba mwaami wa Isilaeli sunu alimwi taaku mwine Isilaeli eshi acaikwe sunu.”

1 Makani 21:1

Satana wakalinga kusuni kuleta mapensho pabene Isilaeli, aboobo wakalengesha Defedi kwaamba ayi abelenge bantu.

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Mateyo 16:22

Ndyaakanyumfwa boobo Pita, wakatola Jesu kulubasu akutalika kumukalalila. Wakamwaambila ayi, “Tau Nkambo! Ici tacikoonshi kumucitikila napaceyuubo!”

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Maako 8:33

Sombi lakwe Jesu wakapiluluka akulanga kwakalinga bashikwiiya bakwe bamwi. Lyalo wakakalalila Pita akwaamba ayi, “Koya kulaale webo Satana ceebo miyeeyo yako taiswi kuli Lesa, sombi njabuntu!”

Luka 4:8

Sombi Jesu wakamukumbula ayi, “Cililembetwe muMalembo akwe Lesa ayi, ‘Ulyeelete kulambila Mwaami Lesa wako alimwi akusebenselabo nguwe.’ ”

Joni 6:70

Jesu wakaamba ayi, “Sa teshi ndime ndakamusala mwebo nomuli likumi abobilo? Ee, Sombi womwi pakati kanu ngumulwani.”

Bene Loma 14:13

Paceebo ceeco tatweelete kubona bene Klistunyineesu ayi mbeshikubisha. Sombi ncetweelete kucita nkuyeeya kwaamba ayi tutanoolengesha bene Klistunyineesu kubisha.

Bene Loma 14:21

Ono ncibotu kucileka kulya nyama, kunwa shibilite nabi kucita cintu cimwi cili coonse ceenga calengesha muKlistunyinaanu kubisha.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

Bene Kolose 3:2

Amuyandoole shintu sha kwiculu, kuteshi sha mucishi ca panshi, sobwe.