Mateyo 16:19 - Baibo Busansulushi Bwa Libuku Ili

¹⁹ Ndaakukupa shakucalwisha kuBweene bwa kwiculu, aceeco coonse nceshi ukaange pacishi ca panshi, cilaakwaangwa akwiculu, aceeco coonse nceshi ukaangulule pacishi ca panshi, akwiculu koonse cilaakwaangululwa.”

Mateyo 16:19 Marejeleo ya Msalaba

Isaya 22:22

Ndaakumupa cakucalwisha cakwe Defedi. Ico nceenga wacalula taaku weenga wacicala acalo nceenga wacala taaku weenga wacicalula.

Mateyo 18:18

“Ntoomulwiita calushinisho ayi cintu coonse nceenga mwaanga pacishi ca panshi, akwiculu koonse caangwa. Cili coonse nceenga mwaangulula pacishi ca panshi akwiculu cilaakwaangululwa.

Joni 20:23

Na mwalekelela muntu uli woonse shibiibi shakwe, ingayi ndushinisho walekelelwa. Ono na mwabula kumulekelela, ingayi ncakwiila teshi akalekelelwe.”

Milimo ya Batumwi 15:7

Ndibakabandika ciindi cilaamfu, Pita wakanyamuka akutalika kwaamba ayi, “Nobamakwesu, mulishi kwaamba ayi Lesa wakansala kale kuswa pakati kanu ayi nshimikile Makani Abotu kubaswamashi bakunsengwe kwaamba ayi abalo banyumfwe akushoma muMwaami Jesu.

2 Bene Kolinto 2:10

Kulilabo muntu ngomwalekelela anebo ndamulekelela. Ceebo na ndalekelela muntu, na kaciyandika kumulekelela, Klistu ulishi kwaamba ayi ndacita boobo ceebo ca ndimwe.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 11:6

Bakamboni aba balicite nkusu shakushinka mwiculu, kwaamba ayi mfula italoki munshiku nshebatooshimikila makani akwe Lesa. Balicite nkusu shakusandula tuntupu twa maanshi ayi tube bulowa alimwi ankusu shakuleta mwaalu uli woonse mucishi ca panshi ciindi cili coonse ncebasuni.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Ciyubululo 9:1

Mpeeke munjelo wasanu wakalisha lupeenga lwakwe. Lyalo ndakabona nyenyeenshi yakalokela pacishi ca panshi, yakapekwa cakucalwisha mucilindi citeeli.