Mateyo 16:18 - Baibo Busansulushi Bwa Libuku Ili

¹⁸ Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Mateyo 16:18 Marejeleo ya Msalaba

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

2 Samwelo 18:4

Mpeeke mwaami wakakumbula ayi, “Nebo ndilibambite kucita cili coonse nceshi mubone nobeene ayi ceendaawo kubota.” Lyalo wakeemikana kulubasu lwa mwinjililo bashilumamba ndibakalinga kwiinda mumakoto a bantu bali myaanda aabali shuulu.

Jobo 38:17

Sa kuli wakakutondeshawo kale minjililo ya musena wa bafu? Sa mwakabonawo kale milyango ya musena wa munshinshe?

Kulumbaisha 107:18

Cakulya cili coonse cakalinga kubafundoosha kumyoyo. Ncakwiila alwalo lufu lwakabanunkila.

Kulumbaisha 127:5

Ulicite coolwe muntu ucite mifwi iinji, ceebo teshi akakomweewo aakukumana abalwani bakwe kumwiinjililo.

Kulumbaisha 129:2

“Balwani bangu bakatalika kumpensha kaancili cikula bwangu, sombi bakaalilwa kwaamba ayi bankoome.

Kulumbaisha 69:12

Ndime ndaba mubandi wa batooya ceenda mumikwakwa, abalo bacakolwa ndime batoobika munyimbo nshebatoopanga.

Kulumbaisha 9:13

NoBaami baLesa, amunyumfwile nkumbu. Amubone mbondapenga kubaabo bampatite. Amumfuune ayi mulyaango wa lufu utancalukili,

Tushimpi 24:7

Ncintu ciyumu kumuluya kuba abusongo palibungano liba kumwinjililo taaku ancaawaalaawo nabi comwi.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 28:6

Ulaakupa boomboloshi moyo wakoombolosha cakutanyengelela. Kubaabo bakunkana abalwani kuminjililo ya ndabala ulaakunoobapa nkusu.

Isaya 38:10

“Ndakalinga kuyeeya ayi ntoofwa kaanciliimobo, Ee, ndakalinga ntooya kumusena wa bafu kaantana kukwanisha myaaka ya buumi bwangu.

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Jona 2:6

Ndakepila panshi peene patalikila tulundu, mumusena uli anga nintolongo yamuyayaya. Sombi noBaami baLesa bangu, mwakankusha mumusena wa bafu.

Mateyo 10:2

Meena abo ngaaya, Simoni wiitwa ayi Pita alimwi aAndulu mukwabo, Jemusi mwanaakwe Sebedi aJoni mukwabo,

Mateyo 11:23

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu! Mukwiinga shaankamiko isho naakwiinga shakacitilwa muSodoma, naakwiinga ndabala iyi keeciliiwo asunu.

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

Mateyo 4:18

Ono Jesu ndyaakalinga kuya bweenda muloombe lwa Lweenge lwa Galili, wakabona Simoni wiitwa ayi Pita aAndulu mwanike wakwe, kabawaala koombe mumaanshi ceebo bakalinga beshikucaya nswi.

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

Joni 1:42

Kuswawaawo Andulu wakatola Simoni kuli Jesu. Jesu wakalangilisha Simoni akumwaambila ayi, “Webo liina lyako ndiwe Simoni mwanaakwe Jona. Sombi unanookwiitwa ayi Kefasi.” (Liina ili lilasansulula ayi “Pita” nkokwaamba ayi “Mwaandami.”)

Milimo ya Batumwi 2:47

Bakalinga kulumbaisha Lesa, mpeeke abantu boonse bakakondwa ndibakabona ncito yabo. Alakwe Mwaami wakalinga kuletelamo bantu abamwi inshiku shoonse mulikoto lyabo, abo bakalinga kupulushikwa.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Milimo ya Batumwi 8:1

Pabushiku bweenka ubo, bene Klistu ba mundabala ya Jelusalemu bakatalika kupenshekwa abuumbi. Boonse bashomi, kukushakobo batumwi, bakapalanganina mumisena yoonse ya Judeya aSamaliya.

1 Bene Kolinto 15:55

“Kukoma kwako olufu kuli kuli? Lubola lwako olufu luli kuli?”

Bene Galatiya 2:9

Mpeeke Jemusi, Pita aJoni, abo bakalinga kwiitwa ayi mbamatanjilili ba bashomi, bakashinisha ayi Lesa muluse lwakwe wakampa mulimo uyu. Kuswawaawo, bakacata Banabasi anebo mumaansa kutondesha bwanabwankashi bwesu. Twakanyumfwana ayi Banabasi anebo tusebensele kubaswamashi bakunsengwe, balo kubaJuda.

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Efeso 5:32

MuMalembo aya muli cikani cinene calushinisho ico calinga kushishitwe. Ndishi kwaamba ayi alaamba pali Klistu alimwi acoonde.

Bene Kolose 1:18

Lakwe ngomutwi wa mubili wakwe, nkokwaamba ayi coonde. Lakwe ngomatalikilo a coonde alimwi ngomutaanshi kubushikwa kuswa kubafu, kwaamba ayi abe mutaanshi pashintu shoonse.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

1 Timoti 3:5

Ceebo na muntu taaendeleshi kabotu bamuŋanda yakwe, ino inga weendelesha buyani coonde cakwe Lesa?

Bene Ebulu 12:28

Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 21:14

Lubumbu lwa ndabala iyi lwakalinga kuyakitwe palwiimbi lwa mabwe ali likumi aobilo apo pakalinga kulembetwe meena a batumwi ba Mwanaambelele bali likumi abobilo.