Mateyo 16:16 - Baibo Busansulushi Bwa Libuku Ili

¹⁶ Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Mateyo 16:16 Marejeleo ya Msalaba

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Kulumbaisha 42:2

Moyo wangu utoolila Lesa, ncakwiila Lesa uyo muumi. Anu nebo inga ndaya lili mukulambila pameenso akwe Lesa?

Danyelo 6:26

“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.

Mateyo 1:16

Jakobo wakashala Josefu muka Maliya, banyina Jesu wiitwa ayi Klistu.

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Mateyo 16:15

Mpomunyaawo Jesu wakabeepusha ayi, “Ino mwebo mulaamba ayi ndime ni?”

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 27:54

Ono munene wa bashilumamba mwaanda, abashilumamba abo mbwaakalingaabo kabalindilila Jesu, ndibakabona citentanshi ashimwi shintu shoonse shakacitika, bakaloonda abuumbi, akwaamba ayi, “Ncakwiila, uyu muntu wakalinga Mwanaakwe Lesa!”

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Maako 14:61

Sombi Jesu wakoomunabo tontolo, taaku ncakakumbulaawo. Mupailishi munene wakeepusha Jesu alimwi ayi, “Sa ndiwe Usalitwe, Mwanaakwe Lesa ulemekwa?”

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 11:27

Malita wakakumbula ayi, “Ee Nkambo, ndashoma kwaamba ayi ndimwe Usalitwe, Mwanaakwe Lesa, uyo wakalinga kulangilwa mucishi ca panshi.”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 6:57

Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

Joni 6:68

Simoni Pita wakamukumbula ayi, “Nkambo, inga twaya kuli ni? Mwebo ndimwe mucite maswi abuumi butamaani.

Joni 6:69

Swebo tulashoma alimwi tulishi ayi ndimwe wooyo Usalalite uswa kuli Lesa.”

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 8:36

Ndibakalinga kuya munshila, bakashika pamusena umwi pakalinga maanshi. Mpomunyaawo mweendeleshi wakaamba ayi, “Amubone anaaya maanshi! Sa kuli cimwi nceenga cankasha kubombekwa?” [

Milimo ya Batumwi 8:37

Filipo wakamukumbula ayi, “Inga wabombekwa na washooma amoyo wako woonse.” Mpeeke alakwe wakakumbula ayi, “Ncakwiila ndashooma ayi Jesu Klistu nguMwanaakwe Lesa.”]

Milimo ya Batumwi 9:20

Wakeendililabo kuya mushoonde sha baJuda akutalika kushimikila ayi Jesu nguMwanaakwe Lesa.

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

2 Bene Kolinto 1:19

Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 5:26

Sa kuliiwo muntu wakacaala kaali muumi na wamana kunyumfwa Lesa muumi kaamba kuli nguwe mumulilo?

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

1 Joni 4:15

Uyo woonse usumina patuba ayi Jesu nguMwanaakwe Lesa, ulekala muli Lesa, alakwe Lesa ulekala muli nguwe.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

1 Joni 5:5

Ngani weenga wakoma sha mucishi ca panshi? Eenkabo uyo ushoma ayi Jesu ngoMwanaakwe Lesa.

Ciyubululo 7:2

Lyalo ndakabona munjelo aumwi kaaswa kwicwe kaacite cishibilo cakwe Lesa muumi. Wakoolobesha pakwiita baanjelo bone abo Lesa mbwaakapa nkusu sha kunyonyoola cishi alimwi alweenge.