Mateyo 16:13 - Baibo Busansulushi Bwa Libuku Ili

¹³ Ono Jesu ndyaakashika kucishi ca kuSisaliya Filipi, wakeepusha bashikwiiya bakwe ayi, “Ino bantu balaamba ayi nebo ne MwanaaMuntu ndime ni?”

Mateyo 16:13 Marejeleo ya Msalaba

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Mateyo 12:32

Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Mateyo 12:8

Ceebo MwanaaMuntu ngoMwaami wa bushiku bwakookesha bwa Cibelu.”

Mateyo 13:37

Jesu wakabakumbula ayi, “Uyo wakashanga maila nguMwanaaMuntu.

Mateyo 13:41

MwanaaMuntu ulaakutuma baanjelo bakwe ayi bakakuushe bantu babisha babyabo abamucita shibi boonse muBweene bwakwe

Mateyo 15:21

Lyalo Jesu ndyaakaswaako uko, wakaya kucishi ca mandabala anene aTaya aSidoni.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Mateyo 9:6

Sombi ntooyanda kwaamba ayi mwishibe ayi MwanaaMuntu ulicite bulemu ankusu shakulekelela shibiibi pacishi ca panshi.” Mpomunyaawo wakaambila uyuminite mubili ayi, “Nyamuka, bwesa macila ako uye kumishaanu.”

Maako 10:45

Mukwiinga MwanaaMuntu alakwe taakwe kwisa mukusebenselwa, sombi mukusebensela bamwi akwaaba buumi bwakwe kwaamba ayi alubule bantu baanji.”

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

Joni 12:34

Bantu bakamukumbula ayi, “Swebo twakanyumfwa muMilawo yakwe Mose ayi Usalitwe wakwe Lesa ulakunoolikobo lyoonse, ino ono inga waamba buyani ayi, ‘MwanaaMuntu ulyeelete kupopwa pamucilingano?’ Ino MwanaaMuntu uyo ngani?”

Joni 3:14

“Ono bweenka mbuli Mose mbwaakaanjika nsoka ya bulonse muluyanga, mbweeke ubo MwanaaMuntu alakwe mbweshi akaanjikwe

Joni 5:27

Mwaana wakamupa ankusu shakoombolosha mukwiinga ngoMwanaaMuntu.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 7:56

Mpeeke wakaamba ayi, “Amunyumfwe! Ndaboona liculu lyacaluka alimwi aMwanaaMuntu uliimfwi kululyo lwakwe Lesa!”