Mateyo 15:9 - Baibo Busansulushi Bwa Libuku Ili

⁹ Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa!’ ”

Mateyo 15:9 Marejeleo ya Msalaba

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 73:13

Nebo ndabamba moyo wangu ayi unoosalalite, ndasamba kumaansa kubonesha ayi nshicite cibiibi. Sombi shoonse ishi tashikwe kuba ampindu kuli ndime

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

Bene Lefi 26:20

Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

Mateyo 15:10

Jesu wakeeta bantu baanji baanji balya akubaambila ayi, “Amukutike alimwi munyumfwishishe!

Maako 7:7

Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa!’ ”

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

1 Timoti 1:4

Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

Taitasi 1:14

alimwi ayi bacileeke kukutika shatushiyashiya twa baJuda amilawo iswa kubantu bakaka shalushinisho.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Jemusi 2:20

Webo omuntu muluya sa ulisuni kwishiba kwaamba ayi lushomo lutacite micito taaku mbolubete?

Ciyubululo 22:18

Nebo neJoni, ntoocenjesha muntu woonse unyumfwa maswi a bulaluki ali mulibuku ili. Uyo woonse weenga wanunga pamaswi aya, Lesa alakwe ulaakumunungilaawo pamyaalu ilembetwe mulibuku ili.

1 Samwelo 25:21

Paciindi ico Defedi ndyaakamanabo kuyeeya ayi, “Anu ndakanyonyoolabo ciindi cangu kulama buboni bwa muntu ulya kwaamba ayi kubule cisoweka muluyanga mulya. Ono ngooyu pabubotu mbondakacita lakwe waboosha bubi.