Mateyo 15:32 - Baibo Busansulushi Bwa Libuku Ili

³² Jesu wakabunganya bashikwiiya bakwe akubaambila ayi, “Ndanyumfwila nkumbu bantu aba mukwiinga bekala nshiku shotatwe anebo alimwi bulya tabacite acakulya. Nshisuni kubaambila ayi baye mwabo mwabo kabatana kulya mukwiinga inga kabaya ciwisuka munshila.”

Mateyo 15:32 Marejeleo ya Msalaba

2 Baami 4:42

Lyalo bushiku bumwi musankwa umwi wakaswa kuBaali Shalisha, wakaletela Elisha shinkwa wakalinga makumi obilo wakapangwa abale wakutaanguna mumwaaka uyo. Wakamuletela amitwi ya shili anga ngamaila. Elisha wakaambila musebenshi wakwe ayi ape likoto lya balaluki balye.

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Mateyo 14:13

Jesu ndyaakanyumfwa makani aya, wakenjila mubwaato akuswaako uko. Wakaya kumusena umwi eenkabo kwatakalinga kwikala bantu. Ono bantu baanji ndibakanyumfwa ayi Jesu waya, bakeenda kwitala kuswa mumandabalaabo bamukonkela.

Mateyo 15:33

Bashikwiiya bakwe bakamwiipusha ayi, “Ino tutooshicana kuli shakulya shakwaamba ayi tupe bantu baanji bobulya muno muluyanga?”

Mateyo 20:34

Mpomunyaawo Jesu wakabafwita nkumbu akucata pameenso abo. Paciindi ceenka ico bakatalika kubona, akumukonkela.

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Maako 9:22

alimwi shikaswa uyu liinji liinji wakalinga kumuwaala mumulilo nabi mumaanshi kwaamba ayi amucaye. Sombi na kacikonsheka, amutunyumfwile nkumbu mutucafweeko.”

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Milimo ya Batumwi 27:33

Ndipakatubatubabo, Paulo wakabasenga boonse ayi balye. Wakabaambila ayi, “Shakumana nshiku likumi ashone kamulindililabo, kutalyaawo nabi cintu comwi.

Bene Ebulu 4:15

Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.