Mateyo 15:29 - Baibo Busansulushi Bwa Libuku Ili

²⁹ Jesu wakaswaako uko akwiinda muloombe lwa Lweenge lwa Galili. Mpomunyaawo wakatanta pakalundu akwikala peenka apo.

Mateyo 15:29 Marejeleo ya Msalaba

Isaya 9:1

Nakubi boobo teshi kukabe munshinshe alimwi kuli baabo bakalinga kupenshekwa. Kalekale Lesa wakabombya cishi ca bene Sebuluni aca bene Nafutali, sombi muciindi citoosa balaakupa bulemu kucishi ca Galili uko kwikala baswamashi bakunsengwe. Nkokwaamba ayi cishi ciswa kuLweenge lwa Mediteleniyani kushika kucishi cili kwitala lya kwicwe lya Mulonga wa Joodani.

Mateyo 13:2

Likoto lya bantu baanji lyakamubunganina, lyalo wakenjila mubwaato wekala, sombi bantu balo boonse bakeemikana muloombe lwa lweenge petala.

Mateyo 4:18

Ono Jesu ndyaakalinga kuya bweenda muloombe lwa Lweenge lwa Galili, wakabona Simoni wiitwa ayi Pita aAndulu mwanike wakwe, kabawaala koombe mumaanshi ceebo bakalinga beshikucaya nswi.

Mateyo 5:1

Ono Jesu ndyaakabona bantu baanji baanji, wakatanta pakalundu akwikala panshi. Bashikwiiya bakwe abalo bakaya peenka mpaakalinga.

Maako 1:16

Jesu ndyaakalinga kwiinda muloombe lwa Lweenge lwa Galili, wakabona Simoni alimwi aAndulu mwanike wakwe kabawaala koombe mumaanshi ceebo bakalinga beshikucaya nswi.

Luka 5:1

Bushiku bumwi Jesu wakalinga kwiimfwi muloombe lwa Lweenge lwa Genesaleti. Bantu baanji bakalinga kushindikana kwaamba ayi banyumfwe maswi akwe Lesa.

Joni 21:1

Kuswawaawo Jesu wakaboneka alimwi kubashikwiiya kuLweenge lwa Tibelyasi. Ono mbulya mbocakalinga.

Joni 6:1

Kuswawaawo Jesu wakasubukila kwitala lya Lweenge lwa Galili (Ulo ndoLweenge lwa Tibelyasi.)

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

Joshuwa 12:3

Cishi cakalinga kwicwe lya Cinyika ca Joodani kuswa kuLweenge lwa Galili kuya akuLweenge lwa Mwiinyo, kwiinda kuBeti Jeshimoti alimwi akushika kulubasu lwakumalenge lya nkunamo ya Kalundu ka Pisiga.