Mateyo 14:5 - Baibo Busansulushi Bwa Libuku Ili

⁵ Elodi wakalinga kusuni kucaya Joni, sombi wakalinga kuloonda bantu ceebo bakalinga kwaamba ayi Joni ngumulaluki.

Mateyo 14:5 Marejeleo ya Msalaba

Jelemiya 26:21

Ono mwaami Jeoiyakimu, bacinenenene bakwe boonse alimwi abamatanjilili ndibakanyumfwa maswi akwe, mwaami wakalinga kusuni ayi amucaaye. Sombi Uliya wakanyumfwa cikani ico, aboobo wakaloonda akucicila kuIjipiti.

Mateyo 11:9

Amundwiite, nciinshi ncemwakaya mukubona? Sa ngumulaluki? Ee, ntoomulwiita calushinisho ayi ngumunene kwiinda pamulaluki.

Mateyo 21:26

Sombi alimwi inga tatwaambi ayi, ‘Mbantu,’ ceebo bantu boonse balishi kwaamba ayi Joni Mubombeki wakalinga mulaluki.”

Mateyo 21:32

Mukwiinga Joni Mubombeki wakesa mukumutondesha nshila ya bululami, ono mwebo tamukwe kumushoma. Basonkenshi abafuule bakamushoma, sombi mwebo nabi ndimwakabona boobo, tamukwe kusanduka kuswa kushibiibi shanu akumushoma.”

Luka 20:6

Ono na twaambe ayi, ‘Mbantu,’ bantu boonse aba batootuuma mabwe mukwiinga balishi ayi Joni wakalinga mulaluki.”

Milimo ya Batumwi 4:21

Boomboloshi bakabooshaawo kubakonkomesha akubakonga ayi batakabooshiiwo, mpeeke bakabaleka. Tabakwe kubacanina mulandu ceebo bantu boonse bakalinga kulumbaishabo Lesa pacikani cakacitika.

Milimo ya Batumwi 5:26

Mpeeke uyo munene wa beshikulindilila wakanyamuka abeshikumucafwa, baya kuŊanda yakwe Lesa mukuleta batumwi. Sombi tabakwe kukakatisha batumwi mukwiinga bakalinga kuloonda bantu ayi inga babooma mabwe.