Mateyo 14:19 - Baibo Busansulushi Bwa Libuku Ili

¹⁹ Lyalo Jesu wakaambila bantu ayi bekale panshi pabwiisu. Wakabwesa shinkwa wosanwe alimwi atuswi tobilo, walanga kwiculu akulumba Lesa. Ndyaakamanisha wakakomoona shinkwa akupa bashikwiiya bakwe abalo bakaabila bantu.

Mateyo 14:19 Marejeleo ya Msalaba

Mateyo 14:18

Mpomunyaawo Jesu wakabaambila ayi, “Amushilete kokuno.”

Maako 6:39

Mpomunyaawo Jesu wakaambila bashikwiiya bakwe ayi bakalike bantu mumakotomakoto pamweemfu.

Maako 6:41

Jesu wakabwesa shinkwa wosanwe alimwi answi shobilo, walanga kwiculu akulumba Lesa. Ndyaakamanisha, wakakomoona shinkwa akupa bashikwiiya bakwe ayi baabile bantu. Ashalo nswi shobilo isho, Jesu wakashaabila abo boonse bakalingaawo.

Maako 7:34

Lyalo Jesu wakalanga kwiculu, wayoyela mubulaamfu akumulwiita ayi, “Efufata”, nkokwaamba ayi, “Shinkuka!”

Luka 22:17

Mpomunyaawo Jesu wakabwesa nkomeshi, walumba Lesa, mpeeke wabaambila ayi, “Amutambule munweemo noonse,

Luka 22:19

Kuswawaawo wakabwesa cimaande, walumba Lesa, lyalo wacikomoona akupa bashikwiiya bakwe akwaamba ayi, “Uyu ngumubili wangu [uyo waabwa ceebo ca ndimwe. Kamucita ceeci mukunjibaluka.”

Luka 24:30

Ndyaakekalaabo pakulya wakabwesa shinkwa akulumba Lesa. Mpeeke wakaukomoona akubaabila.

Luka 9:14

(Pakalinga basankwa ndabona shuulu shosanwe.) Lyalo Jesu wakaambila bashikwiiya bakwe ayi, “Amwaambile bantu bekale mumakotomakoto amakumi osanwe osanwe.”

Luka 9:16

Lyalo Jesu wakanyamuna shinkwa wosanwe atuswi tobilo uto, wakalanga kwiculu akulumba Lesa, wakomoona akupa bashikwiiya ayi baabile bantu.

Joni 11:41

Aboobo bakakushako libwe. Mpeeke Jesu wakalanga kwiculu akwaamba ayi, “Ndamulumba Ta ceebo mwanyumfwa ncendasenga.

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

Milimo ya Batumwi 27:35

Ndyaakamana kwaamba boobo, Paulo wakabwesa shinkwa akulumba Lesa pameenso abo boonse, wakakomonaako watalika kulya.

Bene Loma 14:6

Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.

1 Bene Kolinto 10:16

Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 11:24

walumba Lesa, wacikomoona akwaamba ayi, “Uyu ngumubili wangu uyo waabwa ceebo ca ndimwe. Kamucita bobulya mukunjibaluka.”

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

1 Samwelo 9:13

Mwashikabo mundabala mutoomucana kaatana kuya pakalundu mukulya. Mukwiinga bantu tabakoonshi kutalika kulya kaatana kushika uko akusengela coolwe mulambu. Lyalo bantu batambwa ndyeenga balya. Ono kamuya, mulamucana ciindi ceenka cino.”