Mateyo 14:13 - Baibo Busansulushi Bwa Libuku Ili

¹³ Jesu ndyaakanyumfwa makani aya, wakenjila mubwaato akuswaako uko. Wakaya kumusena umwi eenkabo kwatakalinga kwikala bantu. Ono bantu baanji ndibakanyumfwa ayi Jesu waya, bakeenda kwitala kuswa mumandabalaabo bamukonkela.

Mateyo 14:13 Marejeleo ya Msalaba

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Mateyo 12:15

Ono Jesu ndyaakeshiba miyeeyo yabo, wakaswaako uko. Mpomunyaawo bantu baanji baanji bakamukonkela, lyalo wakashilika baabo boonse bakalinga kuciswa.

Mateyo 14:12

Ono bashikwiiya bakwe Joni Mubombeki bakesa mukubwesa mutuntu, baya bafukila. Kuswawaawo bakaya mukulwiita Jesu.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Luka 4:42

Ndibwakaca Jesu wakanyamuka waya kumusena kwatakalinga kwikala bantu. Bantu bakatalika kumuyandoola, ndibakamucana bakeelesha kumusenga camaansa obilo kwaamba ayi atayi kumwi.