Mateyo 13:55 - Baibo Busansulushi Bwa Libuku Ili

⁵⁵ Sa uyu teshi ngomwaana wa mubeseshi ulya? Sa te baMaliya mbobanyina? Sa te banandumi shakwe nguJemusi, Josefu, Simoni aJudasi?

Mateyo 13:55 Marejeleo ya Msalaba

Kulumbaisha 22:6

Ono bulya ndi kabwabo, nshicibete muntu. Ndi shikushibulukwabo akusebaanishikwa kubantu.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Mateyo 27:56

Mulikoto lyabo mwakalinga Maliya wa kuMagadala, Maliya banyina Jemusi aJosefu alimwi abamuka Sebedi.

Maako 15:40

Pakalinga abanakashi bamwi bakalinga kweebela palaale. Mulikoto lyabo mwakalinga Maliya wa kuMagadala, Maliya banyina Jemusi mwanikebantu aJosesi alimwi aSalomi.

Maako 15:47

Maliya wa kuMagadala alimwi aMaliya banyina Josesi bakalingaawo akubona mbobakabika mutuntu wakwe Jesu.

Maako 6:3

Sa uyu teshi ngomubeseshi mwanaakwe Maliya? Sa teshi ngomukwabo Jemusi, Jose, Judasi alimwi aSimoni? Sa te banankashi shakwe te tuli abo kweenka kuno?” Aboobo bakamusuula.

Luka 1:27

Wakaya kumwanakashi wakalinga kwiitwa ayi Maliya utana kukumanaawo amusankwa. Maliya uyu wakalinga kumamikitwe kumusankwa wiitwa ayi Josefu uyo wa mulunyungu lwakwe Defedi.

Luka 24:10

Abo banakashi bakalinga Maliya wa kuMagadala, Joana aMaliya banyina Jemusi. Balo abanakashi bamwi mbobakalingaabo, bakaambila batumwi cikani ici.

Luka 3:23

Jesu wakatalika ncito yakwe kaayanda kukwanisha myaaka ili makumi otatwe. Wakalinga ngumwanaakwe Josefu mbuli mbobakalinga kuyeeya bantu. Josefu wakalinga mwanaakwe Eli,

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Luka 8:20

Mpeeke umwi muntu wakalwiita Jesu ayi, “Banyinawanu abamakwabanu baliimfwi pansengwe, batooyanda kumubona.”

Joni 19:25

Pafwaafwi amucilingano wakwe Jesu pakalinga kwiimfwi banyina, mukwababo mwanakashi, Maliya muka Kilopasi alimwi aMaliya wa kuMagadala.

Joni 6:42

Paceebo ceeco bakaamba ayi, “Sa te nguJesu mwanaakwe Josefu? Baishi abanyina tulibeshi, ino ono inga waamba buyani ayi, ‘Wakaswa kwiculu?’ ”

Joni 9:29

Tulishi kwaamba ayi Lesa wakalinga kwaamba aMose, sombi uyo muntu lakwe tatwishi ankwaaswa.”

Bene Galatiya 1:19

Taaku mutumwi aumwi ngondakabona, sombibo Jemusi eenka, mukwabo Mwaami wesu Jesu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.