Mateyo 13:44 - Baibo Busansulushi Bwa Libuku Ili

⁴⁴ “Bweene bwa kwiculu bulikoshenye abuboni bwakalinga kushisitwe mumuunda, ubo muntu mbwaakeetukila akubushisa pambi. Ono mukusangalala wakaya mukuulisha shintu shoonse nshaakalinga kucite, akuula muunda uyo.

Mateyo 13:44 Marejeleo ya Msalaba

Jobo 28:13

Busongo tabucanikwi kubantu alimwi taaku ukonsha kwishiba makwebo a mbubo.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Tushimpi 17:16

Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.

Tushimpi 18:1

Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.

Tushimpi 23:23

Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Mateyo 13:24

Jesu wakabaambila acimwi cikoshanyo ayi, “Bweene bwa kwiculu buli anga ngumuntu wakashanga mbuto ibotu ya maila mumuunda wakwe.

Mateyo 13:46

Na wacana libwe libotu abuumbi, ulaya mukuulisha shintu shakwe shoonse akulyuula.

Mateyo 13:47

“Bweene bwa kwiculu bulikoshenye akoombe kawaalwa mulweenge, akucata nswi shipusenepusene.

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Mateyo 19:27

Lyalo Pita wakakumbula ayi, “Amubone, swebo twakashiya shoonse akumukonkela. Ino swebo tulaakupekwanshi?”

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Mateyo 6:21

Amucite boobo mukwiinga myoyo yanu ilaba kweenka uko kuli bubile bwanu.

Luka 14:33

Amwebo mbocibete bweenka ubo. Nkokwaamba ayi amwebo na mwabula kusuula akushiya shintu shanu shoonse nshemucite, tamukoonshi kuba bashikwiiya bangu.

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

Bene Kolose 2:3

Muli nguwe momushisitwe bubile boonse bwa busongo alimwi alushibo.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.