Mateyo 13:35 - Baibo Busansulushi Bwa Libuku Ili

³⁵ Shoonse ishi shakacitika kweelana ambwaakaamba mulaluki mukulukulu ayi, “Ndaakubaambila mushikoshanyo, ndaakubayubulwita shintu shakalinga kushisitwe kuswa kumatalikilo a cishi ca panshi.”

Mateyo 13:35 Marejeleo ya Msalaba

Kulumbaisha 49:4

Ndaakuteya matwi angu kutushimpi, Ndaakulabulula kalabi kangu kwiinda mukulisha kalumbu.

Kulumbaisha 78:2

Ndaakumulwiita shikoshanyo. Ndaakumusansulwita shintu shishisitwe shikulukulu,

Isaya 42:9

Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Mateyo 13:14

Cacitika muli mbabo kweelana ambwaakaamba Isaya mulaluki mukulukulu ayi, ‘Ncakwiila mulaakukutikisha sombi teshi mukanyumfwishishe, mulaakulangilishisha sombi teshi mukabonesheshe.

Mateyo 13:3

Jesu wakabalwiita shintu shiinji mushikoshanyo. Wakaamba ayi, “Kwakalinga muntu umwi wakaya mukushanga mbuto.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Mateyo 5:2

Lyalo wakatalika kubeeisha ayi,

Luka 10:14

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Milimo ya Batumwi 15:18

Ubo mbwaatokwaamba Mwaami Lesa uyo wakeshibisha bantu kale kale.’ ”

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

Bene Efeso 3:5

Mushiindi shakeenda, bantu tabakwe kulwiitwaawo muyeeyo uyu wabushishi. Sombi bulya Lesa waciyubulula kubatumwi alimwi abalaluki bakwe basalalite kwiinda muMushimu Usalashi.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.