Mateyo 13:33 - Baibo Busansulushi Bwa Libuku Ili

³³ Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Mateyo 13:33 Marejeleo ya Msalaba

Matalikilo 18:6

Abulaamu wakeenda cakufwambaana wenjila mutente akwaambila Saala ayi, “Endesha nyamuna fulaulo wako wiindaawo kubota upange shinkwa.”

2 Samwelo 13:6

Aboobo Amunoni wakabeca kuciswa. Mwaami Defedi ndyaakesa mukumubona, Amunoni wakaamba ayi, “Ndisuni Tama nankashi yangu ese ampangileko shinkwa ubotu kuno kaamubwene alimwi antebete mwiine.”

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Mateyo 13:24

Jesu wakabaambila acimwi cikoshanyo ayi, “Bweene bwa kwiculu buli anga ngumuntu wakashanga mbuto ibotu ya maila mumuunda wakwe.

Maako 13:20

Nikuteshi Mwaami Lesa kufwiimpyako nshiku isho sha mapensho, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, abo mbwaakasala mwiine, ncakwiila Lesa wakashifwiimpya nshiku.

Luka 13:21

Buli anga ncimena ciniini mwanakashi ncaakasenkanya mushikopo shotatwe sha fulaulo kushikila woonse wafutumuka.”

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Galatiya 5:9

Kweelana ambobaamba ayi, “Cimena ciniinibo cilafutumusha fulaulo woonse.”

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

Boomboloshi 6:19

Mpomunyaawo Gidyoni wakaya kuŋanda mukuteleka mwanaampongo acimaande ca fulaulo ukwana makilogilamu ali likumi. Nyama wakaibika mumutaanga, musushi walo wakaubika mukanongo akuleta kunembo lya munjelo wa Mwaami Lesa munshaacisamu ca mubanga.

1 Samwelo 1:24

Lyalo ndyaakamulesha, wakamutola kuShilo. Wakatolelela amucende wa myaaka yotatwe, makilogilamu ali 10 a fulaulo, alimwi ankomwe ya cipaya keeswite waini. Wakatola Samwelo kuŊanda yakwe Lesa muShilo kaacili mwanike abuumbi.