Mateyo 12:32 - Baibo Busansulushi Bwa Libuku Ili

³² Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

Mateyo 12:32 Marejeleo ya Msalaba

Jobo 36:13

“Bantu abo batashomi Lesa balatolelelabo kukalala. Tabaliliiwo Lesa ayi abacaafwe nabi kabali mumapensho.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Mateyo 12:31

Paceebo ceeco, ntoomulwiita calushinisho ayi Lesa ulaakulekelela muntu cibiibi cili coonse nabi mucobwe uli woonse ngweenga wacita. Sombi uyo woonse weenga wacobola Mushimu Usalashi teshi akalekelelwe.

Mateyo 12:8

Ceebo MwanaaMuntu ngoMwaami wa bushiku bwakookesha bwa Cibelu.”

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.

Mateyo 13:40

Bweenka mbuli nsaku ya misonde mboibunganishikwa akutentwa mumulilo, akumamanino a cishi ca panshi bweenka ubo mbweshi kukabe.

Mateyo 13:55

Sa uyu teshi ngomwaana wa mubeseshi ulya? Sa te baMaliya mbobanyina? Sa te banandumi shakwe nguJemusi, Josefu, Simoni aJudasi?

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Maako 10:30

eshi akabule kutambula myaanda ya shintu paciindi cino. Uyo ulaakuba amaanda aanji, banandumi abanankashi shakwe baanji, banyina abaana baanji alimwi amyuunda iinji, sombi ulaakutambula alimwi amapensho. Ono sombi muciindi citoosa, ulaakutambula buumi butamaani.

Maako 3:28

“Ntoomulwiita calushinisho ayi bantu boonse inga balekelelwa shibiibi shabo shoonse alimwi abubi boonse mbweenga baamba.

Maako 3:29

Sombi uyo woonse wacobola Mushimu Usalashi, Lesa teshi akamulekelele mukwiinga wacita cibiibi nceshi akekalaaco nshiku shoonse.”

Luka 12:10

Uyo woonse waamba maswi abiibi kuMwanaaMuntu inga walekelelwa, sombi uyo woonse ucobola Mushimu Usalashi, teshi akalekelelwe.

Luka 16:8

Mwaami wakwe uyo wakalumbaisha shikulama buboni utashomeki ceebo cakucenjela kwakwe. Mukwiinga bantu ba mucishi ca panshi cino mbasongo kubamba makani abo kwiinda bantu bali mumumuni.”

Luka 18:30

ulaakutambula shintu shiinji abuumbi pacishi ca panshi alimwi muciindi citoosa ulaakuba abuumi butamaani.”

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Luka 7:34

Ono MwanaaMuntu ndyaakesa kaalya akunwa, mwebo mwakaamba ayi, ‘Amubone, ngumulyabi, ngucakolwa, ngushicibusa abeshikusonkesha alimwi abamucita shibi!’

Joni 7:12

Mpeeke palya pakalinga shakuŋuŋuna shiinji pali nguwe. Bamwi bantu bakalinga kwaamba ayi, “Ngumuntu kabotu.” Ingayi bamwi ayi, “Sobwe, utoolubya bantu.”

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Joni 7:52

Balo bakamukumbula ayi, “Sa awebo uli wa kuGalili? Calula muMalembo akwe Lesa, utoocana kwaamba ayi taaku mulaluki uswa kuGalili.” [

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Efeso 1:21

Klistu wakabikwa pamusena wa bulemu kwiinda beendeleshi boonse ba kwiculu, bamatanjilili, beshinkusu alimwi abamaami. Ulicite liina lya bulemu ankusu kwiinda pameena oonse muciindi cino nabi muciindi citoosa.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.