Mateyo 12:30 - Baibo Busansulushi Bwa Libuku Ili

³⁰ “Uyo woonse utabete kulubasu lwangu, ngumulwani wangu, alimwi awooyo utooboli pantu pomwi anebo ulapalanganya.

Mateyo 12:30 Marejeleo ya Msalaba

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Kulumbaisha 94:16

Ngani wakancafwa kulwana bamucita shibi? Ngani wakanjimikanina kubantu bacita bubi?

Tushimpi 11:24

Bamwi mbeshi kwaaba, nakubi boobo balabila. Bamwi mbakokonyo, nakubi boobo tababiliiwo.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Mateyo 12:29

“Taaku weenga wapwaya ŋanda ya muntu shinkusu akwiipa shintu shakwe, sombibo na wamwaanga, lyalo ncalushinisho inga weepa sha muŋanda ya muntu uyo.

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Maako 9:40

Paceebo ceeco uyo woonse utatupikishi, uli kulubasu lwesu.

Luka 11:23

“Uyo woonse utabete kulubasu lwangu ngumulwani wangu alimwi uyo utooboli pantu pomwi anebo ulapalanganya.

Luka 9:50

Sombi Jesu wakamwaambila ayi, “Kutamukasha, mukwiinga uyo woonse utamupikishi uli kulubasu lwanu.”

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Joshuwa 5:13

Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.