Mateyo 12:18 - Baibo Busansulushi Bwa Libuku Ili

¹⁸ “Uyu ngomusebenshi wangu uyo ngondakasala, uyo ngoonsuni alimwi muli nguwe ndakondwa. Ndaakumupa Mushimu wangu, alimwi ulaakwaambilisha kubaswamashi bakunsengwe ayi Lesa uliluleme.

Mateyo 12:18 Marejeleo ya Msalaba

Kulumbaisha 89:19

Kalekale mwakaamba mucili anga nciloto kubantu banu bashomeka ayi, “Ndapa nkusu kuli shilumamba ushinkusu. Ndakamusala kuswa kubantu bangu akumusumpula.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Mateyo 12:17

Wakacita kweelana ambwaakaamba Isaya mulaluki mukulukulu ayi,

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Maako 1:11

Mpomunyaawo liswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi, pali ndiwe ndikondetwe abuumbi.”

Maako 9:7

Mpomunyaawo kwakaboneka likumbi lyakabafwekelela. Lyalo mulikumbi mweenka umo, mwakanyumfwika liswi lyakwaamba ayi, “Uyu ngoMwanaangu ngoonsuni, amumunyumfwile!”

Luka 23:35

Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Luka 3:22

Lyalo Mushimu Usalashi wakaseluka pali nguwe mbuli mpolobe aliswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi. Pali ndiwe ndikondetwe abuumbi.”

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Luka 9:35

Lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngundakasala, aboobo amumunyumfwile!”

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Kolose 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa. Ndi aTimoti mukwabesu.

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

1 Pita 2:4

Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.

2 Pita 1:17

Ndyaakatambula bulemu alimwi akulemekwa kuswa kuli Lesa Ishi, wakanyumfwa liswi kuswa kuBulemu Bwiindaawo lyakwaamba ayi, “Uyu ngoMwanaangu ngoonsuni alimwi muli nguwe ndakondwa.”