Mateyo 12:10 - Baibo Busansulushi Bwa Libuku Ili

¹⁰ Peenka mucoonde umo mwakalinga musankwa wakalinga kuyuminite lyaansa. Mpeeke bantu bamwi bakalingaawo bakalinga kusuni kucana cilubo muli Jesu, lyalo bakamwiipusha ayi, “Sa cilasuminishikwa kushilika muntu pabushiku bwakookesha bwa Cibelu?”

Mateyo 12:10 Marejeleo ya Msalaba

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Mateyo 12:2

Lyalo baFalisi ndibakabona boobo, bakaambila Jesu ayi, “Bona, bashikwiiya bako batoocita cintu citasuminishikwi aMilawo pabushiku bwakookesha bwa Cibelu.”

Mateyo 19:3

Mpomunyaawo baFalisi bamwi bakesa kuli Jesu mukumusunka ayi, “Sa cilasuminishikwa muMilawo muntu kuleka mukaakwe paceebo cili coonse?”

Maako 3:2

Bamwi bantu bakalingaawo, bakalinga kusuni kucana cilubo muli Jesu. Bakalinga kumulangilisha ayi baboneshe na inga wamushilika pabushiku bwakookesha bwa Cibelu.

Luka 11:54

Bakalinga kusuni kumucanina cilubo mumyaambo yakwe.

Luka 13:14

Mpomunyaawo munene wa mucoonde wakakalala abuumbi ceebo Jesu wakashilika pabushiku bwakookesha bwa Cibelu. Mpeeke wakaambila bantu ayi, “Kuli nshiku shosanwe abomwi nshetweelete kusebensa. Aboobo munoosa munshiku isho mukuba kabotu, kuteshi pabushiku bwakookesha, sobwe!”

Luka 20:22

Amutulwiite, sa Milawo ilatusuminisha kupa musonko kuli Sisa, muleli munene wa kuLoma, na tau?”

Luka 23:14

Lyalo wakabaambila ayi, “Uyu muntu mwakamuleta kuli ndime ayi ulayungoola bantu ayi babukile cishi cino. Ono nebo ndindamwiipushisha noonse kamuliiwo, ndacana kwaamba ayi taaciteewo mulandu pashikani shoonse nshemwalinga kwaamba pali nguwe.

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Joni 5:10

Mpeeke bamaloba ba baJuda bakaambila musankwa wakaba kabotu uyo ayi, “Sunu mbushiku bwakookesha bwa Cibelu. Tooelete kunyamuna mpasa yako.”

Joni 5:3

Mutwaanda umo mwakalinga koona balwashi baanji mbuli boofu, balema abakalinga kuyuminite mibili. [Aba bakalinga kulindila maanshi kufundoolwa.

Joni 7:23

Ino ono na mwaana musankwa ulapalulwa pabushiku bwakookesha kwaamba ayi mulawo wakwe Mose utatyolwi, inga mwankalalila buyani mukwiinga ndashilika mubili wa muntu woonse pabushiku bwa Cibelu?

Joni 8:6

Bakeepusha bobulya kwaamba ayi babone pakumupeta mulandu. Sombi Jesu wakakotama akutalika kulemba panshi amunwe.

Joni 9:16

BaFalisi bamwi bakaamba ayi, “Uyo muntu wacita ceeci taaswi muli Lesa mukwiinga taakonkeli mulawo wa bushiku bwakookesha bwa Cibelu.” Sombi bamwi bakaamba ayi, “Ino ono mucita shibi inga wacikonsha buyani kucita shaankamiko mbuli sheeshi?” Aboobo bakapansaana beene abeene.