Mateyo 11:6 - Baibo Busansulushi Bwa Libuku Ili

⁶ Ulicite coolwe muntu uyo utatonshi muli ndime.”

Mateyo 11:6 Marejeleo ya Msalaba

Kulumbaisha 119:1

Balicite coolwe abo bekala cakubula kampenda, abo bacita kweelana amilawo ya Mwaami Lesa.

Mateyo 13:21

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mateyo 24:10

Ciindi ico, bantu baanji balaakucileka kushoma. Balaakutalika kulyaaba akupatana beene abeene.

Mateyo 26:31

Jesu wakaambila bashikwiiya bakwe ayi, “Sunu lyeenka mashiku, mwebo noonse mutotyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’

Mateyo 5:29

Ono na liinso lyako lyakululyo lyakulengesha ayi ubishe, ncibotu kulilobolaamo akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani.

Maako 6:3

Sa uyu teshi ngomubeseshi mwanaakwe Maliya? Sa teshi ngomukwabo Jemusi, Jose, Judasi alimwi aSimoni? Sa te banankashi shakwe te tuli abo kweenka kuno?” Aboobo bakamusuula.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Luka 7:23

Ulicite coolwe muntu uyo utatonshi muli ndime!”

Joni 16:1

“Ndamulwiita makani aya kwaamba ayi mutakacileeki kushoma.

Joni 6:66

Abo bakalinga kumukonkela baanji bakashiya Jesu akucileka kumukonkela ceebo ca makani ngomunya aya.

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

Bene Galatiya 5:11

Nobamakwesu, ono na nebo ncishimikila shakupalulwa ceebonshi bantu bacimpensha? Nendalinga kushimikila boobo, naakwiinga bantu kabatapikishi kushimikila shalufu lwakwe Jesu lwa pamucilingano.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.