Mateyo 11:5 - Baibo Busansulushi Bwa Libuku Ili

⁵ boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 11:5 Marejeleo ya Msalaba

2 Baami 5:14

Mpomunyaawo Naamani wakaya kuMulonga wa Joodani akuliwaala mumaanshi mankanda ali osanwe aobilo bweenka bwakamwaambila Elisha. Lyalo wakaba kabotu alimwi mubili wakwe wakaboolabo anga ngwa mwaana kateta.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

Kulumbaisha 146:8

Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Kulonga 4:11

Lyalo Mwaami Lesa wakamwaambila ayi, “Ino ngani upa muntu mulomo? Ngani ulengesha ayi ashinke matwi nabi kuba cibuulu? Alimwi ngani ulengesha ayi anoobona nabi ayi abe moofu? Sa teshi ndime neMwaami Lesa?

Isaya 29:18

Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 43:8

Lesa waamba ayi, “Bantu bangu amubeete bese kunkuta. Meenso ncakwiila balicite, sombi tababoni. Matwi ncakwiila balicite, sombi tabanyumfwi.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Mateyo 10:8

Mukashilike balwashi, mukabushe bafu, akushilika bashimanata, alimwi akukusha bashikaswa. Mwapekwabo, amwebo mukapebo.

Mateyo 11:4

Jesu wakabakumbula ayi, “Kamuya mukalwiite Joni isho nshemwanyumfwa akubona,

Mateyo 12:13

Mpomunyaawo Jesu wakaambila muntu uyuminite lyaansa ayi, “Fungulula lyaansa lyako.” Mpeeke wakalifungulula, lyalo lyakaba kabotu bweenka mbuli libye.

Mateyo 21:14

Mpomunyaawo boofu abalema myeendo, bakesa kuli Jesu muŋanda yakwe Lesa, mpeeke wakabashilika.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Mateyo 9:30

Mpomunyaawo bakatalika kubona. Lyalo Jesu wakabakonkomesha ayi, “Muteshibishi muntu nabi womwi cikani ici.”

Maako 7:37

Bantu boonse bakanyumfwa cikani ici, bakakankamana abuumbi akwaamba ayi, “Shoonse shintu lakwe ulashicita kabotu. Boonse bakalinga kushinkite matwi ulabashinkula. Nabi bacibuulu boonse balatalika kwaamba!”

Maako 9:25

Lyalo Jesu ndyaakabona ayi batooya cifulilaako bantu, wakakalalila shikaswa uyo ayi, “Webo oshikaswa, nookasha kunyumfwa akwaamba, ntookulwiita ayi uswe mumusankwa uyu alimwi utakaboolimo lyobilo.”

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Joni 10:25

Jesu wakakumbula ayi, “Ndakamulwiita kale, sombi tamushomi. Milimo ya nkusu sha kwiculu njeencita muliina lya baTa, njeincitila bukamboni.

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 2:23

Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 9:7

Lyalo wakamwaambila ayi, “Koya ukasambe kumeenso mulishiba lya Sailomu.” (Ili liina lilaamba ayi, “Kutumwa.”) Aboobo musankwa uyo wakaya wasamba akuboolela kaabona.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.