Mateyo 11:28 - Baibo Busansulushi Bwa Libuku Ili

²⁸ “Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 11:28 Marejeleo ya Msalaba

Jobo 14:1

“Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Jobo 5:7

Sombi muntu lakwe ulashalilwa mapensho bweenka mbuli mulilo mbootolooka kuya mwiculu.

Kulumbaisha 116:7

Omoyo wangu kala panshi akootobala, ceebo Mwaami Lesa ulancitila shibotu.

Kulumbaisha 32:4

Mukwiinga mashiku amalumwi lyaansa lya bukali bwanu lyakalinga kundemena. Aboobo nkusu shangu shakamaninina bweenka buyuma maanshi kulumwi lwa cilimo.

Kulumbaisha 38:4

Milandu yangu yandemya mutwi cakuyanda kupila panshi. Ncakwiila yafula cakundemena anga ndayumuna shilemu.

Kulumbaisha 94:13

Mulamupa kookesha kuswa kuciindi ca mapensho, kushikila cilindi cakabwa ayi bamucita shibi bawiteemo.

Shikushimikila 1:14

Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.

Shikushimikila 1:8

Shintu shoonse shilalemya, ee, kulemya uko kutakoonshi kwaambwa akwaambwa. Liinso talileemi kubona, akwalo kutwi takuleemi kunyumfwa.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 28:12

Ceebo ngondimwe ngwaakaambila ayi, “Anooyu musena wakookesheshaamo, abo balemete abese bookeshe mumusena uyu.” Sombi mwebo mwakakaka kumunyumfwila.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Jelemiya 31:25

Ndaakubooshamo nkusu sha baabo balemete akupa shakulya batoowisooka kunsala.

Jelemiya 35:16

Bamulunyungu lwakwe Jonadabu mwanaakwe Lekabu bakanyumfwila mulawo wakabapa mushali wabo mukulukulu, sombi mwebo tamukwe kunyumfwilaawo, sobwe.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Mateyo 23:4

Balanyamwisha bantu mikuli ilemu, sombi balo beene tabakumiiko nabibo kakumo.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.

Milimo ya Batumwi 15:10

Ino nceebonshi ncemutokweeleshesha Lesa kwiinda mukubika mikuli ilemu pabashomi iyo bamashali besu bakulukulu, nabi ndiswe soonse, njetwakaalilwa kunyamuna?

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.