Mateyo 11:25 - Baibo Busansulushi Bwa Libuku Ili

²⁵ Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 11:25 Marejeleo ya Msalaba

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

1 Makani 29:13

Ono nobaLesa besu, twamulumba abuumbi akulumbaisha liina lyanu lyabulemu.

Jobo 37:24

Anu nceceeco bantu boonse ncebamulemekela. Ono Lesa taabiki maano kubaabo baliyeeyela kuba basongo.”

Kulumbaisha 8:2

Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 21:16

Bakeepusha Jesu ayi, “Sa utoonyumfwa mbobatokwaamba banike aba?” Lakwe wakabakumbula ayi, “Ee, ndanyumfwa. Ono sa tamuna kubelengawo kale Malembo akwe Lesa akwaamba ayi, ‘Lesa wakabambila limwi ayi baana baniini alimwi abakateta bamulumbaishe.’ ”

Luka 22:42

“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [

Luka 23:34

Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.

Joni 11:41

Aboobo bakakushako libwe. Mpeeke Jesu wakalanga kwiculu akwaamba ayi, “Ndamulumba Ta ceebo mwanyumfwa ncendasenga.

Joni 12:27

“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.

Joni 12:28

Ta, amuboneshe bulemu bwanu!” Mpomunyaawo liswi lyakanyumfwika kuswa kwiculu kalyaamba ayi, “Ndabubonesha kale, alimwi ncibubonesha.”

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

2 Bene Kolinto 3:14

Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.