Mateyo 11:22 - Baibo Busansulushi Bwa Libuku Ili

²² Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Mateyo 11:22 Marejeleo ya Msalaba

Jelemiya 25:22

bamaami boonse ba kuTaya akuSidoni, bamaami ba kumandabala ali kwitala lya Lweenge lwa Mediteleniyani.

Jelemiya 27:3

Kuswawaawo utume maswi kubamaami ba kuEdomu, Moabu, Amoni, Taya aba kuSidoni kwiindila mubatumwi abo bakesa kuJelusalemu ayi babonane aSedekiya mwaami wa bene Juda.”

Esekelo 29:18

“Webo omuntu, Nebukadinesa Mwaami wa bene Babiloni wakasebensesha bashilumamba bakwe cankusu kuya mukulwana Taya. Wakabasebensesha kunyamuna mikuli ilemu cakwaamba ayi misusu yabo yakamana pamitwi yabo akupya cakubobela pashifushi shabo. Nakubi boobo mwaami uyo abashilumamba bakwe abo bakalipenshabo, taaku ncebakacana mukulwana ndabala ya Taya.

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Mateyo 10:15

Ntoomulwiita calushinisho ayi pabushiku bwakoomboloshekwa, Lesa ulaakupa ndabala iyo mulandu unene kwiinda Sodoma aGomola!

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 11:24

Sombi ntookulwiita ayi pabushiku bwa koomboloshekwa, Lesa ulaakumupa mulandu unene kwiinda Sodoma!”

Mateyo 12:36

“Ntoomwaambila ayi pabushiku bwakoomboloshekwa, Lesa ulaakupa mulandu bantu ceebo ca maswi oonse abiibi ngobakaamba.

Luka 10:14

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

1 Joni 4:17

Anu mboboobo lusuno mboluba lwancinencine muli ndiswe kwaamba ayi tukeemikane cakubula boowa pameenso akwe Lesa pabushiku bwakoomboloshekwa. Mbweshi cikabe ubo mukwiinga buumi bwesu mucishi ca panshi bulibo anga mbwakwe Klistu.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.