Mateyo 11:21 - Baibo Busansulushi Bwa Libuku Ili

²¹ Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 11:21 Marejeleo ya Msalaba

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Amosi 1:9

Mwaami Lesa waamba ayi, “Bene Taya bakalinga kubisha lyobilo lyobilo, aboobo ndushinisho ndaakubapa mulandu. Bakoolisha mishobo ya bantu yoonse mubusha kubene Edomu. Ncakwiila tabakwe kuyeeyawo cipangano cakunyumfwana.

Mateyo 11:22

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Mateyo 15:21

Lyalo Jesu ndyaakaswaako uko, wakaya kucishi ca mandabala anene aTaya aSidoni.

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Maako 3:8

Jelusalemu, Idumeya alimwi akwicwe lya Joodani. Bamwi bakaswa kulubasu lwa mandabala anene a Taya aSidoni. Boonse aba bantu bakaya kuli Jesu mukwiinga bakanyumfwa shintu shoonse isho nshaakalinga kucita.

Maako 6:45

Mpomunyaawo Jesu wakaambila bashikwiiya bakwe ayi benjile mubwaato, batanjile kuya kwitala lya lweenge kuBetisaida, lakwe kaacaambila bantu ayi banooya kumishaabo.

Maako 7:24

Lyalo Jesu ndyaakaswaako uko, wakaya kunyinsa ya mandabala anene a Taya aSidoni. Wakenjila muŋanda imwi umo mwaakalinga kusuni kwaamba ayi ekale cakuteshiba bantu. Nakubi boobo bantu bakeshiba ayi mwaali muŋanda.

Maako 7:31

Jesu ndyaakaswaako kucishi ca Taya akuboolela kuLweenge lwa Galili, wakeenda mundabala inene ya Sidoni akuya mukwiinda mucishi ca Mandabala ali Likumi.

Maako 8:22

Jesu abashikwiiya bakwe bakashika kuBetisaida. Mpeeke kwakesa bantu bamwi bakaleta musankwa moofu kuli Jesu akusenga ayi amucaate amaansa.

Luka 4:26

Elija taakwe kutumwa kumuntu uli woonse mucishi ca Isilaeli, sombibo kumukalubinje wa kuSaleputa mucishi ca Sidoni.

Luka 6:17

Jesu ndyaakakunkuluka pakalundu pantu pomwi abatumwi, wakeemikana paselebete. Pakalinga likoto linene lya bashikwiiya bakwe alimwi alikoto linene lya bantu bakaswa kumbasu shoonse sha kuJudeya akuJelusalemu. Bamwi bakaswa kumandabala anene a Taya aSidoni, akalinga muloombe lwa lweenge.

Luka 9:10

Ono ndibakaboolela batumwi abo Jesu mbaakalinga atuma, bakamulwiita shoonse nshebakacita. Mpomunyaawo Jesu wakaya eenka abatumwi bakwe kundabala ya Betisaida.

Joni 1:44

Filipo wakalinga kwikala kundabala ya Betisaida uko kwakalinga kwikala Andulu aPita.

Joni 12:21

BaGiliki aba bakaya kuli Filipo wa kundabala ya Betisaida mucishi ca Galili akumwaambila ayi, “Nkambo, tutooyanda kubona Jesu.”

Milimo ya Batumwi 12:20

Elodi wakakalalila bumbi bantu ba kuTaya aSidoni. Paceebo ceeco, bantu ba mumandabala aya bakatuma likoto lya bantu ayi baye babonanaakwe. Cakutaanguna, bakalwiita akunyumfwana aBulasitasi, uyo wakalinga munene wa kuŋanda ya mwaami Elodi. Kuswawaawo, bakaya kuli Elodi mwiine kwaamba ayi pabe luumuno mukwiinga cishi cakalinga kukusha shakulya mucishi cakwe Elodi.

Milimo ya Batumwi 27:3

Bushiku bwakaboolaawo, twakashika kuSidoni. Lyalo Julyasi wakanyumfwila nkumbu Paulo akumusuminisha ayi aye mukubona babye, kwaamba ayi bakamupeewo shimwi shintu nshaatakalinga kucite.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.