Mateyo 11:11 - Baibo Busansulushi Bwa Libuku Ili

¹¹ Ntoomwaambila calushinisho ayi Joni ngumunene kwiinda pabantu boonse kuswabo kale kale. Sombi uyo muniini muBweene bwa kwiculu ngumunene kwiinda nguwe.

Mateyo 11:11 Marejeleo ya Msalaba

Jobo 14:1

“Anu muntu ushalwa kumwanakashi taaku mbwaabete. Ulicitebo nshiku shiniini shiswite mapensho.

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Mateyo 11:10

Mukwiinga Joni ngowooyo wakaambwa muMalembo akwe Lesa ayi, ‘Ndaakutuma muntu wangu kunembo lyako eshi akakubambile nshila.’

Mateyo 11:12

Kuswa kuciindi cakwe Joni Mubombeki, kushikila sunu, Bweene bwa kwiculu bwashika cankusu, abalo beshishitaala batokweelesha kubutola mushitaala.

Mateyo 3:1

Munshiku sheenka isho Joni Mubombeki wakesa muluyanga lwa muJudeya kaashimikila ayi,

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Mateyo 5:19

Paceebo ceeco, uyo woonse usotoka mulawo uniini nabi womwi, akwiisha bantu kunocita bweenka ubo, ulaakuba muniini muBweene bwakwe Lesa. Sombi uyo ukonkela Milawo akwiishako bamwi ulaakuba munene muBweene bwa kwiculu.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 7:28

Ntoomwaambila ayi kuswa kale kale takuna kubawo muntu wiinda Joni, sombi uyo muniini muBweene bwakwe Lesa ngumunene kwiinda nguwe.”

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Joni 1:15

Joni wakapa bukamboni pali nguwe akoolobesha ayi, “Ngowooyu uyo ngondakalinga kwaamba ayi, ‘Utoosa pesule lyangu uleendaawo nkusu pali ndime mukwiinga wakalingaako nebo kaantana kushalwa.’ ”

Joni 1:27

Lakwe ngootoosa pesule lyangu, sombi nebo nsheelete akukotama kwaamba ayi ŋangulule nsapato shakwe.”

Joni 10:41

Mpeeke bantu baanji bakesa kuli nguwe akwaamba ayi, “Joni taakwe kucitawo caankamiko, sombi shintu shoonse nshaakaamba pamuntu uyu nshalushinisho.”

Joni 3:30

Aboobo ulyeelete kuba abulemu kwiinda ndime.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

1 Bene Kolinto 15:9

Ceebo nebo nshiindi mutumwi nabi womwi alimwi nsheeleteewo akwiitwa ayi mutumwi ceebo ndakalinga kupensha coonde cakwe Lesa.

1 Bene Kolinto 6:4

Aboobo na mwaba atukani twa mushobo uyu, tamweelete kunootutola kubantu bakunsengwe bataaku mbobeemfwi mucoonde ayi batubaambe.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

2 Timoti 1:10

Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.

Bene Ebulu 11:40

mukwiinga Lesa wakalinga kubambite muyeeyo wiindaawo kubota wa pali ndiswe. Kubamba kwakwe kwakalinga kwakwaamba ayi batalulami cancinencine beenka, sombi balulamine pantu pomwi aswebo.

1 Pita 1:10

Balaluki bakulukulu abo, bakaambila limwi shaceeco Lesa ncaakaamba ayi ulaakumupa kwiinda muluse lwakwe, bakalangoola akwiipusha kabotu kabotu shalupulusho ulu.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.