Mateyo 10:40 - Baibo Busansulushi Bwa Libuku Ili

⁴⁰ “Uyo woonse utambula ndimwe, ulatambula ndime alimwi uyo utambula ndime, ulatambula baTa abo bakantuma.

Mateyo 10:40 Marejeleo ya Msalaba

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

Jelemiya 39:17

Sombi webo ndaakukupulusha bushiku ubo, teshi ukaabwe mumaansa a baabo mbooloonda. Nebo neMwaami Lesa ndaamba.

Mateyo 18:5

Uyo woonse utambula mwanike wa mbuli wooyu muliina lyangu, ulatambula ndime.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Maako 9:37

“Uyo woonse utambula mwanike wa mbuli wooyu muliina lyangu, ulatambula ndime. Uyo woonse utambula ndime, taakwe kutambulabo ndime, sombi watambula awooyo wakantuma.”

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Joni 13:20

Ntoomulwiita calushinisho ayi uyo woonse utambula womwi wa baabo mbondatuma, ulatambula ndime alimwi uyo woonse utambula ndime, ulatambula awooyo wakantuma.”

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Bene Galatiya 4:14

Nakubi kwaamba ayi bulwashi bwangu bwakamupensha, tamukwe kunsuula nabi kunaama. Sombi mwakantambula anga ngumunjelo wakwe Lesa nabi anga nguKlistu Jesu mwiine.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

2 Joni 1:9

Uyo woonse utakonkeli kwiisha kwakwe Klistu, sombi kaailikawo shimwi shiteelete, taacite Lesa. Uyo woonse ukonkela kwiisha uko, ulicite Ishi alimwi aMwanaakwe.