Mateyo 10:33 - Baibo Busansulushi Bwa Libuku Ili

³³ Sombi uyo weenga wankaka pameenso a bantu, anebo ndaakumukaka kuli baTa bali kwiculu.

Mateyo 10:33 Marejeleo ya Msalaba

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Maako 14:30

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila lyabili, utokwaamba mankanda otatwe ayi toonshi.”

Maako 14:72

Amanebo kwaamba boobo Pita, kombwe wakalila lwabili. Lyalo wakeebaluka maswi akamulwiita Jesu ayi, “Kombwe kaatana kulila mankanda obilo, webo Pita ulaakunkaka mankanda otatwe.” Mpeeke wakatalika kulila.

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Luka 12:9

Sombi uyo weenga wankaka pameenso a bantu, alakwe MwanaaMuntu ulaakumukaka pameenso a baanjelo bakwe Lesa.

Luka 22:57

Sombi Pita wakakaka akwaamba ayi, “Sobwe omwanakashi, nshimwishiiwo muntu uyo!”

Luka 9:26

Paceebo ceeco uyo woonse unyumfwa nsoni ceebo ca ndime amaswi angu, alakwe MwanaaMuntu ulaakumunyumfwila nsoni pakwisa mubulemu bwakwe amubulemu bwa baIshi alimwi abwa baanjelo basalalite.

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

1 Joni 2:23

Mukwiinga uyo woonse ukaka Mwaana, wakaka aIshi. Uyo woonse usumina Mwaana, wasumina aIshi.