Mateyo 10:26 - Baibo Busansulushi Bwa Libuku Ili

²⁶ “Aboobo mutaloondi bantu. Taaku cintu cifweketwe ceshi cikabule kufwekulwa, nabi cishisitwe ceshi cikabule kushibikwa.

Mateyo 10:26 Marejeleo ya Msalaba

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Shikushimikila 12:14

Ceebo Lesa ulaakoombolosha micito yoonse, kubikaawo ashintu shicitwa mubushishi, ncakwiila micito ibotu nabi ibiibi.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Jelemiya 1:8

Kutabaloonda ceebo ndanooli awebo alimwi ndanookufuna. Nebo ne Mwaami Lesa ndaamba.”

Esekelo 2:6

“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Maako 4:22

Cili coonse cishisitwe, cilaakuyubululwa patuba alimwi cili coonse citashibikitwe, cilaakushibikwa.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 8:17

“Mukwiinga taaku cintu cishisitwe ceshi cikabule kuyubululwa patuba nabi cintu cabushishi ceshi cikabule kushibikwa.

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.