Mateyo 10:19 - Baibo Busansulushi Bwa Libuku Ili

¹⁹ Ono na bakamwaange, mutakalisukami ayi, ‘Ino tukaambe buyani?’ nabi ayi, ‘Tukaambenshi?’ mukwiinga Lesa ulaakumupa nceshi mukaambe.

Mateyo 10:19 Marejeleo ya Msalaba

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Kulonga 4:15

Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.

Jelemiya 1:7

Sombi Mwaami Lesa wakankumbula ayi, “Utaambi ayi ucili mwanike. Sombi ulyeelete kuya kubantu abo mbondakutumako mukubalwiita shoonse nsheenga ndakulwiita.

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Mateyo 10:18

Balaakumutola kubaleli abamaami ceebo ca liina lyangu, kwaamba ayi mukape bukamboni pameenso abo alimwi akubaswamashi bakunsengwe.

Mateyo 6:25

“Paceebo ceeco, ntoomwaambila ayi mutalisukami mubuumi bwanu, ayi na ndaakulyanshi nabi kunwa nabi ayi nkafwalenshi? Sa buumi tabuyandiki kwiinda cakulya, awalo mubili sa tauyandiki kwiinda shakufwala?

Mateyo 6:31

“Anu mutanoolisukama ayi tulaakulyanshi, na tulaakunwanshi nabi tulaakufwalanshi?

Mateyo 6:34

Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.

Luka 12:11

“Baakumucata ayi bakamoomboloshe mushoonde sha baJuda, kubeendeleshi nabi kubaleli, mutakalisukami ayi mutooliimikanina buyani mukwaamba nabi nceshi mukaambe.

Luka 12:12

Mukwiinga Mushimu Usalashi ulaakumwiisha paciindi ceenka ico nshemweelete kwaamba.”

Milimo ya Batumwi 6:10

Nakubi boobo bantu aba bakaalilwa kumukoma ceebo wakaamba mubusongo bwa Mushimu Usalashi.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.