Mateyo 10:16 - Baibo Busansulushi Bwa Libuku Ili

¹⁶ “Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 10:16 Marejeleo ya Msalaba

Matalikilo 3:1

Ono nsoka yakalinga kucenjete kwiinda banyama boonse bamuluundu abo Mwaami Lesa mbwaakalenga. Nsoka yakeepusha mwanakashi ayi, “Sa ncakwiila Lesa wakamukasha kulya shisepo sha cisamu cili coonse mumuunda muno?”

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Neyemiya 4:13

Mpomunyaawo ndakabika bantu mumisena itana kumana kuyakululwa. Bakaya mushipani sha mumikowa yabo kabacite mipeeni, masumo alimwi amata.

Jelemiya 40:16

Sombi lakwe Gedaliya mwanaakwe Aikamu wakaambila Joanani mwanaakwe Kaleya ayi, “Kuteelesha kucita cintu ca mushobo uyo! Maswi aya ngootokwaamba pali Ishimaeli, teshi alushinisho.”

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 25:2

Pabamyooye aba, bosanwe bakalinga baluya, sombi bamwi bosanwe bakalinga kucenjete.

Mateyo 25:4

Sombi bacenjete bakayumuna mafuta amwi mumisaashi.

Mateyo 25:9

Bacenjete bakakumbula ayi, ‘Tau, inga aceya na twabaana. Anu mwebo kamuyabo kubeshikuulisha mukoole aanu mafuta.’

Luka 10:3

Kamuya, sombi amubone ntoomutuma anga mbana ba mbelele pakati kabaumpe.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 11:14

Anu tacikankamanishi mukwiinga alakwe Satana ulalisandula kuboneka anga ngumunjelo wa mumuni.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 8:20

Tatusuni kulengesha bantu kutalika kutongooka panshila njetutokweendelesheshamo shipo shakapekwa amyoyo yoonse sha mushobo wooyu.

Bene Filipi 2:15

Amube bana bakwe Lesa basalalite, batabishi, batacite mulandu alimwi batacite kampenda. Pakati ka bantu batashomeki, bamucita shibi, mulyeelete kubala mbuli mimuni ili mwiculu,

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

1 Bene Tesalonika 2:10

Mwebo aLesa mwiine, muli bakamboni besu kwaamba ayi bwikaalo bwesu pakati kanu nobashomi, bwakalinga kusalalite, bululeme alimwi butacite kampenda.

1 Bene Tesalonika 5:22

akulitalamusha kushibiibi sha mushobo uli woonse.