Mateyo 10:15 - Baibo Busansulushi Bwa Libuku Ili

¹⁵ Ntoomulwiita calushinisho ayi pabushiku bwakoomboloshekwa, Lesa ulaakupa ndabala iyo mulandu unene kwiinda Sodoma aGomola!

Mateyo 10:15 Marejeleo ya Msalaba

Mateyo 12:36

“Ntoomwaambila ayi pabushiku bwakoomboloshekwa, Lesa ulaakupa mulandu bantu ceebo ca maswi oonse abiibi ngobakaamba.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Mateyo 7:22

Pabushiku ubo bwakoombolosha, bantu baanji balaakuŋambila ayi, ‘Nkambo, Nkambo, sa tatukwe kushimikila akukusha bashikaswa, alimwi akucita shaankamiko muliina lyanu?’

Maako 6:11

Na mwashika mundabala imwi bantu bakaka kumutambula akunyumfwa makani anu, mukalipaampe lusuko kushimpanta pakuswa mundabala umo. Ici cilaakuba citondesho cakwaamba ayi balicite mulandu.”

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Joni 6:39

Nkuyanda kwakwe uyo wakantuma kwaamba ayi ntasoowi nabi womwi pabaabo mbwaakampa, sombi kwaamba ayi boonse nkababuushe kuswa kubafu pabushiku bwakweelaako.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

1 Bene Tesalonika 5:4

Sombi mwebo nobamakwesu, tamubete mumunshinshe. Aboobo Bushiku ubo tabweelete kushika cakutabwiingashila mbuli mbociba pamwiipi.

Bene Ebulu 10:25

Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

1 Joni 4:17

Anu mboboobo lusuno mboluba lwancinencine muli ndiswe kwaamba ayi tukeemikane cakubula boowa pameenso akwe Lesa pabushiku bwakoomboloshekwa. Mbweshi cikabe ubo mukwiinga buumi bwesu mucishi ca panshi bulibo anga mbwakwe Klistu.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.