Mateyo 1:18 - Baibo Busansulushi Bwa Libuku Ili

¹⁸ Ono mbulya mbwaakashalwa Jesu Klistu. Maliya banyina bakalinga kumamikitwe kuli Josefu, sombi kabatana kweebana, cakacanika ayi bakalinga pakati kwiinda munkusu sha Mushimu Usalashi.

Mateyo 1:18 Marejeleo ya Msalaba

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Mateyo 12:46

Jesu ndyaakalinga kucaamba kubantu baanji, kwakesa banyina abamakwabo, bakeemikana pansengwe, kabasuni kwaamba akwe.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Luka 1:25

“Lesa ono wanyumfwila nkumbu wankusha nsoni pameenso a bantu.”

Luka 2:5

Wakaya pantu pomwi aMaliya uyo ngwaakalinga kumamikite kwaamba ayi baye bakalembwe, ciindi ici Maliya wakalinga kumitite.

Dutolonomi 22:23

“Na musankwa umwi wacatwa mundabala imwi kaalete amwanakashi wakamamikilwa,

Bene Ebulu 10:5

Paceebo ceeco, Klistu ndyaakalinga pafwaafwi kwisa mucishi ca panshi, wakaambila Lesa ayi, “Toosuni milambu ashipo shimwi shoonse sombi walengesha ayi mbe amubili.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.