Mateyo 1:16 - Baibo Busansulushi Bwa Libuku Ili

¹⁶ Jakobo wakashala Josefu muka Maliya, banyina Jesu wiitwa ayi Klistu.

Mateyo 1:16 Marejeleo ya Msalaba

Mateyo 1:15

Elyudi wakashala Eliyasa, Eliyasa wakashala Matani, alakwe Matani wakashala Jakobo.

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Mateyo 16:20

Kuswawaawo Jesu wakaambila bashikwiiya bakwe ayi batakaambili muntu nabi womwi ayi ngoUsalitwe wakwe Lesa.

Mateyo 2:13

Ono basongo balya ndibakaswaako, munjelo wa Mwaami Lesa wakaboneka kuli Josefu muciloto akumwaambila ayi, “Nyamuka utole mwaana abanyina muye kuIjipiti. Mukekaale kweenka uko kushikila nkamwaambile ayi musweeko, mukwiinga Elodi utooyanda kucaya mwaana.”

Mateyo 27:17

Ono bantu ndibakabungana, Pilato wakabeepusha ayi, “Ngani ngomusuni ayi mwaangulwite, Balabasi nabi Jesu wiitwa ayi Usalitwe wakwe Lesa?”

Mateyo 27:22

Pilato wakabeepusha ayi, “Ino mucite buyani Jesu wiitwa ayi Usalitwe wakwe Lesa?” Boonse bakakumbula ayi, “Aapopwe pamucilingano!”

Maako 6:3

Sa uyu teshi ngomubeseshi mwanaakwe Maliya? Sa teshi ngomukwabo Jemusi, Jose, Judasi alimwi aSimoni? Sa te banankashi shakwe te tuli abo kweenka kuno?” Aboobo bakamusuula.

Luka 1:27

Wakaya kumwanakashi wakalinga kwiitwa ayi Maliya utana kukumanaawo amusankwa. Maliya uyu wakalinga kumamikitwe kumusankwa wiitwa ayi Josefu uyo wa mulunyungu lwakwe Defedi.

Luka 2:48

Bashali bakwe ndibakamubona bakacatabo pamilomo. Lyalo banyina bakaamba ayi, “Omwanaangu ino watupensheshanshi bobulya? Bona nebo abaiso twalinga kwisa cikulangoola katulisukeme abuumbi.”

Luka 2:7

Wakapulukaamo mwaana wakwiiya musankwa. Wakamupetelesha mushisani akumooneka mulinkubala lyakalinga kulitaamo ŋombe mukwiinga temwakalinga musena muŋanda ya beensu.

Luka 3:23

Jesu wakatalika ncito yakwe kaayanda kukwanisha myaaka ili makumi otatwe. Wakalinga ngumwanaakwe Josefu mbuli mbobakalinga kuyeeya bantu. Josefu wakalinga mwanaakwe Eli,

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Joni 4:25

Mwanakashi uyo wakaamba ayi, “Ndishi kwaamba ayi Usalitwe wakwe Lesa (wiitwa ayi Klistu) ulaakwisa. Na akese, ulaakutusansulwita shintu shoonse.”