Matalikilo 50:17 - Baibo Busansulushi Bwa Libuku Ili

¹⁷ bakashiya maswi akwaamba ayi, ‘Ndaseenga ayi ulekelele bamakwanu shibiibi acilubo ncebakacita pali ndiwe.’ Ono twaseenga mutulekelele cilubo ncetwakacita swebo sobasebenshi bakwe Lesa wa baishiwanu.” Josefu wakalila ndyaakatambula nkombe iyi.

Matalikilo 50:17 Marejeleo ya Msalaba

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 45:8

Aboobo teshi ndimwe mwakantuma kokuno, sombi nguLesa. Wakanengesha kuba muntu wacinenenene ukonkela Falawo mubweendeleshi. Ndime nyendelesha ŋanda yakwe yoonse, alimwi ndimweendeleshi wa cishi coonse ca Ijipiti.

Matalikilo 49:25

NguLesa wa baiso ukucafwa, Lesa Shinkusu shoonse ukupa shoolwe, shoolwe sha mfula kuswa kwiculu, alimwi asha maanshi aanji eshi kuswa panshi. Ulakupa shoolwe shakuba aŋombe shiinji alimwi abaana baanji,

Matalikilo 50:16

Mpeeke bakatuma nkombe kuli Josefu yakwaamba ayi, “Bata kabatana kufwa,

Matalikilo 50:18

Lyalo bamakwabo bakesa palwaabo bene akukotamina Josefu akwaamba ayi, “Twalileta, tuli basha banu.”

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

Kulumbaisha 21:11

Ndushinisho nabi bapangana kubishisha ndimwe, ee, nabi bapangana miyeeyo ibiibi, teshi bakaswitilile.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Mateyo 10:42

Uyo woonse upa nabi maanshi kuli womwi muniini wa baabo bankonkela, ayi mukwiinga ulankonkela, ncakwiila uyo teshi akabule cilambu.”

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 6:12

Amutulekelele shibiibi shesu, bweenka mbotulekelela batubishisha.

Maako 10:41

Ono bashikwiiya bamwi bali likumi ndibakanyumfwa makani aya, bakatalika kukalalila Jemusi aJoni.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Bene Galatiya 6:16

Lesa aape luumuno alimwi akunyumfwila nkumbu bantu boonse bakonkela kwiisha uku abantu bamwi boonse bakwe Lesa.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.