Matalikilo 5:3 - Baibo Busansulushi Bwa Libuku Ili

³ Adamu ndyaakaba amyaaka ili 130, wakashala mwaana musankwa uyo wakalingabo mbuli nguwe. Wakamupa liina lya Seti.

Matalikilo 5:3 Marejeleo ya Msalaba

Matalikilo 4:25

Adamu wakakumana amukaakwe alimwi, mpeeke mukaakwe wakashala mwaana musankwa uyo ngwaakatumba ayi Seti. Wakaamba ayi, “Lesa wampa umbi mwaana pamusena wakwe Abelo uyo Kaini ngwaakacaya.”

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

1 Bene Kolinto 15:39

Nyama ya shintu shoonse shiyoya taibete mushobo womwi. Bantu balicite ya mushobo umwi, shinyama imwi, bayuni imwi, inswi ashalo imwi.

Bene Loma 5:12

Bubi bwakesa mucishi ca panshi ceebo ca muntu womwi alimwi bubi ubo bwakaleta lufu. Mbweeke ubo lufu lwakashika kubantu boonse mukwiinga boonse bakabisha.

Joni 3:6

Ushalwa kumuntu ngumuntu, sombi uyo ushalwa kuMushimu Usalashi ngumushimu.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Luka 3:36

Shela mwanaakwe Kainani, Kainani mwanaakwe Afakisadi, Afakisadi mwanaakwe Shemu, Shemu mwanaakwe Nowa, Nowa mwanaakwe Lameki,

1 Bene Kolinto 15:49

Ono bweenka mbotwakakosha wooyo wakaswa kubulongo, mbweshi tukakoshe wooyo wakaswa kwiculu.

Matalikilo 5:2

Wakabalenga musankwa amwanakashi, wabapa coolwe alimwi akubatumba ayi, “Bantu.”

Matalikilo 5:4

Kuswawaawo Adamu wakekala myaaka imwi ili 800. Adamu wakashala baana abamwi.